Shillong, Nailur 23 : Ka United Democratic Party (UDP) kala sospon ia laingut ki MLA kiba dei napdeng ki 8 ngut kiba la iasoh sha ka BJP ha New Delhi hynne ka sngi Balang.
Kane ka sienjam kala wan hadien katto katne kynta ba jia ka jingkyntiap seng, hadien ka jingialang jong ka State Parliamentary Board ka party bala pyniaid da u President Bah Metbah Lyngdoh.
U bah Metbah ula iathuh ba ka party kala ai a ka show cause notice sha kine ki 3 ngut ki dkhot kiba la pynbna paidbah ba kin leit iasoh sha kiwei pat ki party.
“Ngi la aipor ia ki haduh hynne ka sngi ba kin wan mih dalade hakhmat ka State Parliamentary Board lane ban phah ia ka jubab da ka jingthoh lada ki kwah. Hynrei ym don uwei ruh na kine ki dkhot ban ai jubab ia ka show cause notice” ula ong.
“Ka party da kawei ka sur kala shim ia ka rai ban sospon ia kine ki lai ngut ki dkhot tad haduh da pynmih da kawei pat ka hukum” ula ong.
Kine ki laingut ki MLA ki dei u MLA ka Mawsynram Bah Olan Sing Suin, MLA ka Khliehriat Bah Kyrmen Shylla bad MLA ka Mawphlang Bah Mathew Berondstar Kurbah.
U pyntip ba ia ka hukum sospon lah dep ban phah da ka jingthoh haba bynrap ba ka party ka sa shim rai ia kaei kaban leh hadien bad kan sa pyntip ia ka.
