Shillong, Nailur 01 : U Myntri ka tnad ialehkai Bah Shakliar Warjri ula iai ban ba ka Meghalaya kala don ha ka lynti iaid kaba biang ban lah pynlong ia ka National Games 2027 kaba jop, watla ki jingtei ia ki katto katne ki madan ki dang iaid shakhmat.
Haba kubur ba ki dang don katto katne ki jaka ialehkai kiba donkam ban nang pynjanai, u Myntri ula ong ba ki jingpyn khreh ka dei ka kam ba dang iaid shakhmat bad ka Sorkar kala shim ia kat ki sienjam kiba donkam ban shim.
U Bah Shakliar ula kren ruh halor ka jingialang ba dang shen jong ki Myntri kam ialehkai ka thain Shatei Lam Mihngi, kaba la iakren ban iatynrong lang ia ki lyngkor ban pynlong ia kane ka lympung ialehkai. “Ka jingthmu ka long ban ai pynlong ia ki katto katne ki jingialehkai sha man kawei pa kawei ka Jylla khnang ba ki Jylla ka thain kin ioh bynta lang ban pynlong bad kyntiew ia kane ka lympung” ula batai.
Hynrei ula pynshai pat ba ia ka rai ba khatduh ban pynbeit ia ki jingialehkai ki ban pynialehkai sha kiwei ki Jylla k aka dei ka ban dang shim rai namar ka jingiakren ka dang iaid mynta.
Halor ki jingpynkhreh hapoh ka Jylla, u Myntri ula pynpaw ba ka Sorkar kala ailad ia ki Sports Association ba kin pyndon kami a ki song pisa ba kin leit sha man ki District bad pynlong ia ki selection trial hala ki jong ki jong ki jingialehkai.
U Myntri ula pynpaw ba ka jinglah ban pynlong ia ka Meghalaya Games kaba jop haduh arsnem kynthih, kan dei ka nuksa ba kumno ka Jylla kan pynkhreh ia ki buit treikam na ka bynta ka National Games.
Haba phai shakhmat, u Myntri ula pynpaw ia ka jingsngewskhem ba ka Meghalaya kan pynlong ia ka National Games kaba jop.
