Shillong, Rymphang 06 : U Coach ka NorthEast United FC Juan Pedro Benali ula pynpaw ba u don ka jingsngew “hala Iing” ha Shillong bad pynpaw ia ka jingsngewskhem ba ka Club kan ioh ia ka nam jop ha ka jingiakhun pyrshah ia ka Mumbai City FC la sngi Thohdieng ha Jawaharlal Nehru Stadium.
Haba kren sha ki lad pathai khubor, u Juan Pedro Benali ula pynpaw ba u khmih lynti ia ka jingwan tuid jong ki nongkyrshan ka Club, ka ban nang ai mynsiem ia ka kynhun ha ka jingiakhun ban ioh khur ia baroh lai point.
U khlur ialehkai na Jylla Redeem Tlang ula kubur ia ka jingpynbor ia u ban lehkai bha hakhmat ki nongkyrshan nala iing hynrei u ngeit pat ba kane kan nang ai mynsiem ia ka kynhun ba kan ialehkai bha. “Ka jingpynbor ban ialehkai bha ka long kaba donkam ha ka phutbol; kan iarap ia ngi ban ioh ia ka jingjop” ula ong.
Lah ban kdew, ha ka sien ba khatduh ba ka NorthEast United ka ialehkai ha Shillong, kala ioh ia ka jingjop kaba suk pyrshah ia ka Shillong Lajong FC ha ka jingiakhun semi phainal jong ka Durand Cup.
Ki riewieid phutbol ka Shillong kin don ka jingkyrmen ba ka jingmih kan long kumjuh haba kane ka kynhun ialehkai na kane ka thain riewlum kan mih madan ha ka sien ba nyngkong eh ha ka jingiakhun jong ka ISL hala ka jong ka Iing.
Ia mynta, ka NorthEast United FC kala kamai 29 point hadien ka jingjop ba 7 snem bad iakhaid ba phra sien na ki 19 tylli ki jingiakhun. Kala don ha ka kyrdan kaba saw hapoh ka point table.
