Shillong, K’lyngkot 22 : Ka Nongkseh Sports Social and Cultural Club kala rah ia ka nam lahduh jong ka 11th All India Chief Minister’s Gold Cup International Football Tournament hadien ba kala pynrem ia ka BSF (Jalandhar) da 1–0 ha ka final kaba la pynlong ha Jorethang, South Sikkim, hynne ka sngi Palei.
Ia ka shi kol jong kane ka jingiakhun kala wan ha ka 51 minit ha ka kylla miet ia kaba la thep da u Kynsaibor Lhuid kaba la pynlong syndon ia kane ka kynhun kaba na Shillong ban rah ia ka nam Lahduh.
Ka Nongkseh SS&CC ka dei ka club ba nyngkong na Jylla ba kan ioh khur marbud haduh lai tylli ki trophy (treble) bad iai bat ia ka nam kum ka club kaba khlem pat liem naduh ka samoi ialehkai 1st Div ka SSA 2025, ka SSA Champions Cup 2025 bad mynta sa ka 11th All India Chief Minister’s Gold Cup International Football Tournament.
Ka Nongkseh kala ialehkai bha naduh ba sdang haduh ban da kut ka jingialehkai bad watla kam shim la lah ban thep kol haba kala ioh ia ki kabu kiba biang. Ka BSF kala ioh ban pynma ia ka Nongkseh tang shisien hi, hynrei u Nongap kol ka Nongkseh u Daraphun Talang ula ioh ban iada ia ka bol ban ym ioh rung shapoh kol.
U Kynsai jongka Nongkseh ula ioh ia ka khusnam Man of the Tournament bad ula ioh pdiang ia katei ka khusnam da ka kali Tata Tiago.
Ka Nongkseh kum ka Lahduh kala ioh ia ka khusnam bad ia ka song tyngka kaba T.20 lak.
Ka Nongkseh kala pynliem ia ka Sikkim Himalayan Gangtok 2–1 ha ka jingiakhun kaba nyngkong, hadien kane, kala pynrem ia ka Eastern Railway da 1–0 bad kala pynrem da 4–0 ia ka NEROCA FC.
Ha ka Semi Final kala pynrem ia ka Red Panda FC bad ha ka Final kala pynrem ia ka BSF ban ioh rah ia ka nam Lahduh.
Ka Nongkseh ka dei ruh ka kynhun ka bym shim la mad satia ia kano kano ka jingshah rem ha kino kino ki jingiakob.
Ka NorthEast United FC kaba dei ka kynhun kaba ialehkai ia ka Indian Super League (ISL) kala iawer ia ka Nongkseh ban ialehkai paralok ne Friendly Match ha ka 8 tarik u Lber ha Indira Gandhi Athletic Stadium ha Guwahati.
 da 1–0 ha ka final kaba la pynlong ha Jorethang, South Sikkim, hynne ka sngi Palei.){kind=link}