Shillong, Jylliew 04: Ka Federation of Shillong Hotels ha ka jingialang bad u Assistant Commissioner – Food Safety jong ka sorkar jylla, kila shim ia 3 tylli ki rai na ka bynta ka jingrakhe iaka World Environment Day ha ka 5 tarik u Jylliew 2023.
U President ka Federation of Shillong Hotels, u Parambir S.Sehdave ula ong, baroh ki jaka sah ne iing shong basa ba shipor ba ki dei ban sangeh noh ha kaban pyndonkam ia ki bilor um plastik ha ki jaka ki jong ki.
“Kane kan iarap ha kaban pynduna ia ka jingpymih ia ki jakhlia lyngba ki plastik bad ka Federation ka kyntu ia baroh ki Iingbasa ban ai noh iaka um kaba khuid ba suba ha ki bitor um” ula ong.
Ula pyntip baka Federation kala rai ruh ban sam noh da ki ‘Sticker’ ban tah ha ki Tourist Taxis, kiban tehlakam ia ki nongleit jingleit ba kin pynjaboh ia ki jaka paidbah bad ban pynbiang ia ki da ki lad ba kin ioh bret ia ki niut ne jakhlia haba ki bam jingbam hapoh kali.
Nalor kane la iathuh ba ka Ophis u DTO bad ka Federation kin pynthikna ba baroh ki kali Tourist ki dei ban buh ia ka jaka bret nuit kaba rit ha ki kali jong ki.
La kyntu ruh ia baroh ki Hotel/Restaurant ba kidei ban thung ia uwei u tynrai dieng ha ka 5 tarik u Jylliew bad ban shon ryngkat bad ki dur bad la kyntu ruh ia baroh ki Hotel/Guest House bad Restaurant ba kin pynkhuid iaka mei mariang da kaba shim ia ka sienjam kaba rit kaba lah pat ban wanrah iaka jingkylla kaba khraw.
Ka Federation ka khmih lynti ba bun ki Hotels & Restaurants kin bud ryntih ia katei ka jingbthah ban don ka jingiadei kaba iajan bad ka mariang bad ban kyntiew iaka Eco Tourism.
Ka NPP Shillong City Unit kan iatreilang bad ka Federation of Shillong Hotels ha ka jingrakhe iaka World Tourism Day.
