Shillong, Risaw 31 : U Assistant Organising Secretary ka KSU samla Jeremaiah Pohthmi ula lait jamin ha ka janmet sngi Thohdieng haba iadei bad ki jingjia thombor kiba mih na ka rally thuk thuk ka KSU ba long ha ka 19 tarik Nailar.
U samla Jeremaiah ula shah kem ha ryngkat bad san ngut kiwei pat ki nongialam. Ka jingioh jamin jong u kala wan tang da ki sngi hadien ba u President samla Raymond Kharjana bad General Secretary samla Reuben Najiar kila ioh jamin ha kane ka juh ka case.
Da ka jingioh jamin u Jeremaiah, haduh 5 ngut na ki 6 ngut ki nongialam ka KSU kila lait ha ka jamin.
