Shillong, Iaiong 02: Ka Langsning FC kala ioh khur ia ka jingjop kaba nyngkong ha ka Shillong Premier League 2024 da kaba pynrem ia ka Nangkiew Irat SC da 4-1 hynne ka sngi Baar ha SSA Stadium, First Ground, Polo.
Ha kane ka jingiakhun ka Langsning kala ialehkai bha bad kala ioh ban khur iaka jingjop kaba nyngkongeh ha ka SPL.
U Maxderidoff Wahlang ula ioh ban thep ia ka kol kaba nyngkong ia ka Langsning haka minit kaba 7, katba u Kitboklang Pale ula thep 2 kol ha ka minit kaba 20 bad 24 bad u Ambilstar Sun ula thep ha ka minit kaba 73.
Ka Nangkiew Irat kam shym la lah ban thep kol eiei ha ka kylla step hynrei dei ha ka mnit kaba 63 jong ka kylla miet kala ioh thep shi kol lyngba u Flavius Lalruatkima.
Hashwa kane, ka Langsning kala shah pyrem ha ka Shillong Lajong FC bad ha ka Mawlai SC hynrei hynne ka nsgi kala ioh khur ia ka jingjop, katba ka Nangkiew
Irat kala jop pyrshah ia ka Sawmer SC hynrei kala mad pat iaka jingrem haka
Nongthymmai SC bad haka Langsning FC.
Kumba long mynta ka Langsning, Nongthymmai bad ka Nangkiew Irat kidei kiba ioh kamai mar 3 point haka SPL.
Ka jingiakhun iaka SPL kan bteng biang ha ka 8 tarik u Iaiong ha kaba ka Ryntih SC kan iakhun pyrshah ia ka Rangdajied United FC ha ka por 3 baje mynsngi.
