Jingjia Ichamati | Byrngem ka KSU-SKH ban tur paidbah sha Sohra Police Station ba shah kem ki dkhot

Date:

Share post:

Shillong, Iaiong 02: Ka Khasi Student Union (KSU)-South Khasi Hills, kala khot ia ki dkhot bad ki bahaiing hasem jong ki Dkhot lem bad ki paidbah ban iamih paidbah lashai ka sngi ban leit sha Sohra Police Station ha ka ban pan jingpynshai halor ka jingshah kem ki 2 ngut ki dkhot na ka jingshah kynnoh donkti ban pyniap ia 2 ngut ki bar Jylla ha Ichamati.

Lyngba ka kyrwoh video, u President ka KSU South Khasi Hills district samla Ribok Diengdoh, ula pynrem jur ia ki Pulit halor ka jingleit kynra iaki ïingsah jong ki dkhot haka por shiteng synnia.

Ula ong ba kum u President, un leit sha Sohra Police Station lashai ka sngi ha ka por 12 baje mynsngi ban iakren bad pan jingshai.

“Nga pynthikna ba ngan leit sha Sohra Police Station ha ka por 12 baje 12:30, bad ngam kwah ban shah khang lynti ne pynthut ia nga haduh ban da poi ha thanad ban iakren” ula ong.

Une u Nongialam ka KSU ula ong ba ki dkhot ka seng kiba shynrang mynsiem bad ki bahaiing hasem ki dkhot lem bad ki nong shongshnong ka Sohra kiba sngewkhia ia ka khia ka shon bad jingshah nion bein na ka por sha ka por, ki dei ban iamih lang lashai ka sngi ban ialeit sha Sohra Police Station.

Halor ka jingshah kem ki dkhot, u samla Ribok ula ong “Katno ka sngewkhia ka mynsiem ba 2 ngut ki dkhot ka KSU kila shah kem kata haka por shiteng synnai tang naka bynta ban kylli jingkylli halor ka jingjia shah pyniap briew ha Ichamati”.

Ula ong kum u President ka KSU South Khasi Hills, man ka por u long uba la kloi ban leit mih sha thanat ban iakren lada ki Pulit ki donkam ban kylli jingkylli bad kum u president, u long ruh uba la kloi ban phah iaki dkhot lada ki Pulit ki donkam ban kylli jingkylli.

“Kam don ain ban kem haka por shiteng synnia. Lada ki Pulti ki donkam ban kylli jingkylli, phah daka jingthoh, phah wan mih iaki sha thanat bad kum u President nga kloi ban phah iaki dkhot sha thanat” ula ong.

U Samla Ribok ula ong ba kane ka jingleh ki Pulit ka paw ba ki iuhroit iaki paradoh parasnam bad kane ka jingkem shiteng synnia ka long thik kumba ki dkhot kidei ki dkhot na ki seng kieng atiar.

U la ong ba ka tnat Pulit kadei ban pynthikna ba ki dkhot ka KSU kidei ki nongpyniap briew bad lada ki lap shisha pynshitom iaki katkum ka ain hynrei ki Pulti kim dei ban shu ngeit lyngba ka jingpharep da mano re mano.

Share post:

spot_img

Popular

More like this
Related

Ujor ejahar u MLA barim ka Mawlai ba pynsaphriang khubor lamler ha Social Media

Shillong, Iaiong 16 : U MLA barim ka Mawlai...

Kurup ki BSF ia u kwai supari ba shongdor T. 14 lak

Shillong Iaiong 16: Ki shipai BSF bad ki pulit...

Shillong Premier League | Pynsangeh ka SSA ia ka jingiakhun ba thut ka suinbneng

Shillong, Iaiong 16: Da kaba buh hakhmat ia ka...