Shillong, Iaiong 21 : U Symbud Myntri Rangbah ba khmih ia ka Tnad Transport Bah Sniawbhalang Dhar ha ka sngi Ba-ar, ula pyntip ba ka Airport Authority of India (AAI) kala dep ban ai tender ban pynheh ia ka Shillong Airport bad la khmih ruh ba ka jingpyntrei ia ka project kan sa sdang noh shen.
“Ia ka tender lah dep ban ai na ka bynta ban pynheh ia ka Kad. Lehse u Contractor un sa sdang noh shen ia ki kam” ong u Bah Sniawbhalang haba iakren bad ki nongthoh khubor haba kylli halor ka jinglong jingman ba mynta jong kane ka project.
“To ngin peit. La iohi ba ka por ba u contractor un pyndep ia ka kam ka long 18 bnai” ula bynrap haba pyntip ba ula pan ruh ia ka jingtip ba pura shaphang u contractor bad ki plan ba thmu ban pyntrei.
“Nga la bthah ia u Commissioner of Transport ba un iakren bad ki naba ngi kwah ban tip mano ba dei u contractor bad kiei ki kam ba un pyntrei. Lehse ha u bnai banwan, ngin sa tip mano ba dei u contractor, kaei ka dor ba ki buh, bad kaei ka por ba kin pyndep” ula bynrap.
 kala dep ban ai tender ban pynheh ia ka Shillong Airport bad la khmih ruh ba ka jingpyntrei ia ka project kan sa sdang noh shen.){kind=link}