Shen yn shim rai ka UDP halor ka jingjied ia u President ba thymmai ka Ri

Date:

Share post:

Shillong, Jylliew 23: Ka United Democratic Party (UDP) kaba wan ba-ar ha ka jingdon MLA ha ka Sorkar MDA ba ialam da ka NPP, kala pyntip ba shen kan sa shim ia ka rai halor ka elekshon ban jied ia u President ba thymmai ka Ri, ka ban long ha ka 18 tarik Naitung.

“U President jong ka party un sa lum ia ka jingialang bad baroh ki MLA ka party bad ngin sa shim ia ka rai halor kane ka kam” ong u Nongialam ka UDP bad Myntri kam pohiing ka Jylla ma Lahkmen Rymbui haba iakren bad ki nongthoh khubor hynne ka sngi palei.

Haba pynpaw ba ka dang kloi palat ban kren eiei halor kane ka kam, u ma Lahkmen ula ong ruh ba u Myntri Rangbah ka Jylla Conrad Kongkal Sangma un sa khot shen ia ka jingialang jong ka Meghalaya Democratic Alliance (MDA) ban iakren halor kane ka kam.

“Kum u Chairman ka MDC, un (CM) sa khot ia ka jingialang jong baroh ki paralok ba iatreilang bad kaei kaba u kwah kren un sa kren ha ka jingialang. Ta ka daw ngam pat kwah ong eiei, ngin ia ap shuwa khamtam ba lashai ka sngi ka dei ka sngi ba khatduh ban thep kyrteng (jong ki kyrtong ban iakhun President) bad ngin dang don ka por tad haduh ka sngi thep vote haba iadei bad ka nongrim jong ka UDP” ula ong.

Haba kylli la ka UDP kan shim jingkhein ruh halor ka jingpynslem ka Sorkar Pdeng ban pyntreikam ia ka Inner Line Permit (ILP) bad ka jingpynrung ia ka Ktien Khasi bad Garo ha ka khyrnit ba phra (Eight Schedule) ka Riti Synshar ka Ri, u Myntri ula ong “Ngim pat iakren satia ia kiei ki ishu. Ngin sa iakren shuwa bad ngin sa pyntip sha phi”.

Ha kajuh ka por, u ma Lahkmen ula khein ia ka rai jong ka BJP ban pynieng ia ka Droupadi Murmu kaba dei ka riewlum kum ka kyrtong President, kum ka sienjam kaba khraw bha.

U ma Lahkmen ula ong ba ki paid riewlum ha ka Ri ki dei kiwei na kiba dang sahdien bha bad dei namar kata ba ka Sorkar India kala buh ia ka bhah la ka dei ha ka thungkam thungkam lane kiwei kiwei ki jingmyntoi bala ai sah ki paid riewlum.

“Kum u riewlum hi, nga sngew ba ka dei ka sienjam kaba khraw ia ka lashai lashisngi” ula ong haba pynpaw ruh ba kane kam dei satia ka sien ba nyngkong ba ki riewlum kin iakhun ia ka kam President haba pynkynmaw ia u (L) Prof GG Swell bad (L) P.A Sangma kiba la shah rem ha ki elekshon sha ka shuki President ha ki snem bala leit noh.

“Namar kata, to ngin ia kyrmen ba ha ka kylla kaba lai, ka kyrtong riewlum kan ioh jingjop noh bad kan long ka khubor kaba bha ia ki paid riewlum jong ka Ri baroh kawei” ong u ma Lahkmen.

Share post:

spot_img

Popular

More like this
Related

Iasoi MoU ka Sorkar ban seng ia ka Green Skill Academy ki samla ha Shillong

Shillong, Rymphang 28 : Ka Sorkar Meghalaya hynne ka...

Pan jingmut ka BJP na u paidbah ban pynkhreh ia ka Manifesto elekshon Lok Sabha

Shillong, Rymphang 28 : Kum shibynta jong ka ‘Viskit...

Megh Govt inks MoU to set up India’s second Green Skills Academy for youth in Shillong

Shillong, Feb 28: Making a major move to empower the...

Manipur : Pyndem suloi ki Pulit Commando ka Manipur ha Imphal

Imphal, Rymphang 28: Ka kynhun ki Pulit Commando ka...