SHILLONG, Jylliew 23: Ki pulit ka jylla hynne ka sngi kila pynmih iaka jingpynbna paidbah ba ki iit ia ki 4 ngut ki briew kiba la jah klep na ka jaka sah ka jongki.
Katkum ka jingpynbna ki pulit, la iathuh ba kine ki 4 ngut ki briew kiba ki pulit kila iit ki kynthup ia u Mon Bh Thapa, 65 snem ka rta, uba na Paltan Bazar, Shillong uba la jah naka jaka trei ka jong u naduh ka 28.04.2022.
Ki pulit kila kyntu ia ki paidbah kiba don ia kino kino ki jingtip shaphang u Mon Bh Thapa kin sngewbha ban phone sha ka Police Control Room- 03642222214, Officer-in-Charge (Lumdiengjri PS) 0364-2548151 bad SP Office Crime Branch (I/C Missing Branch) 8837282114.
Ki pulit kila iit ruh ia u Gobar Dhan Rizal 59 snem ka rta, uba dei u khun jongu Gokul Bhaadur Rizal uba na Bhutan, Shillong uba la jah naduh ka 5.06.1983. Ki pulit kila kyntu ia kiba don ia kino kino ki jingtip ban phone sha ka Police Control Room- 03642222214, Officer-in-Charge (Laitumkhrah PS) 0364-2223069 bad SP Office Crime Branch (I/C Missing Branch) 8837282114.
Nalor kane ki pulit kila iit ruh ia u Md Khayarul Haque 38 snem ka rta, uba dei u kurim jongka Kosila Thapa ba na Madanriting, Shillong uba la jah naduh ka 06.01.2022 naka jaka sah ka jong u.
Kino kino ki jingtip shaphang u Md Khayarul ba kin sngewbha ban phone sha ka Police Control Room- 03642222214, Officer-in-Charge (Madanriting PS) 0364-2548151 bad SP Office Crime Branch (I/C Missing Branch) 8837282114.
Ki pulit kila pyntip ruh ba ki iit ia u Donboklang Thabah 29 snem ka rta, uba dei u khun jong ka Kong Eldaris Thabah ba shong basah ha Mawlai Nongkwar uba la jah naduh ka 04.06.2022 na ka iingsah ka jongu.
Ki pulit kila kyntu ia ki paidbah kiba don ia kino kino ki jingtip shaphang u Donboklang ba kin phone sha ka Police Control Room- 03642222214, Officer-in-Charge (Mawlai PS) 0364-2575505 bad SP Office Crime Branch (I/C Missing Branch) 8837282114.
