Shen yn lum u DyCM ia ka Tnad Urban Affairs ban buddien ia ka kam Them Metor

Date:

Share post:

Shillong, Jylliew 28: U Symbud Myntri Rangbah ka Jylla Bah Prestone Tynsong hynne ka sngi ba-ar u pyntip ba shen un khot ia ka jingialang bad ka tnad Urban Affairs ban tip ba katno kala iaid ka jingpynkhreh ia ka ‘blueprint’ ha ka ban pynkynriah noh ia ki 342 tylli ki Longiing na Them Metor, Them Iew Mawlong.

“Shen ngan sa khot noh ia ka jingialang bad ka Tnad Urban Affairs lem bad ki tnad ba iatakhuh bad kane ka kam bad hangne ngan sa khmih la ka ‘blueprint kala dei ne em” ong u Bah Prestone uba khlieh ia ka High Level Committee (HLC) haba iakren bad ki nongthoh khubor hynne ka sngi ba-ar.

U Bah Prestone ula pynpaw ba ia mynta hi um pat lah satia ban ong eiei shaphang kane ka kam tad haduh ban da dep pynlong ia kane ka jingialang bad ki Tnad ba dei khmih.

Ha ka 25 tarik Iaiong, ka Harijan Panchayat Committee (HPC) kala mynjur ban pynkynriah noh ia ki Harijan na Them Iew Mawlong halor ka kyndon ba ka Sorkar ka dei ban ai ei ia ka jaka ba 200 square meter sha ki 342 tylli ki Longiing bad kane ka jaka ka dei ban don hapoh ka European Ward nalor ban siew ruh ia ka bai lut bai sep ha ka jingshna ia ka Iing jong kine ki longiing.

Hynrei ka jingpyrshah kaba jur kala mih na ki Kynhun Sengbhalang bapher bapher pyrshah ia kane ka jingdawa jong ka Harijan Panchayat Committee bad maham ruh “Ka thma kan sa khie” lada ka Sorkar Jylla ka pyndem ha kane ka jingdawa.

Ha ka 4 tarik Jymmang, u Symbud Myntri rangbah ula pyntip baka ‘blueprint’ kan sa batai shai ia ka nongrim jong ka Sorkar halor ka jingdawa jong ka HPC. U pyntip ba hadien bala dep pynkhreh ia kane ka ‘blueprint’ yn sa aiti sha ka HPC ba kan shong bishar bad ai jingmynjur.

Share post:

spot_img

Popular

More like this
Related

BJP Mahila Morcha Leader seeks judicial intervention in South West Garo Hills rape incident

Shillong, April 22: In a letter to the Honourable Chief...

Election Commission of India orders repoll in 8 polling stations in Arunachal Pradesh

Itanagar, April 22: The Election Commission of India has...

Fresh polling underway in 11 polling stations in Manipur amidst heavy security

Imphal, April 22: Amid tight security on Monday, fresh...

Arunachal : Hukum ka ECI ban pynthep vote biang ha 8 tylli ki Polling Station

Itanagar, Iaiong 22 : Ka Election Commission of India...