Shillong, K’lyngkot 27: U Symbud Myntri Rangbah ba khmih ia ka tnad Transport Bah Sniawbhalang Dhar, ha ka sngi nyngkong ula pyntip ba ka Sorkar kan sa pyllait shen ia ka tender na ka bynta ban pynheh ia ka Umroi Airport.
Haba iakren bad ki nongthoh khubor, u Bah Sniawbha ula ong “Shen, ngin sa pyllait ia ka tender ban pynheh ia ka Umroi Airport”.
U Symbud Myntri Rangbah ula ong ba ka jingpynheh kaba la dep tyrwa, kan ym ktah satia ia ka runway ba mynta bad kan nym pynthut ruh ia ka jing wan hiar ki liengsuin.
Haba kylli, u Bah Sniawbha ula pyntip ba i Myntri Rangbah ka Kylla Conrad K Sangma ula dep ban khot ia ka jingialang ha ka kyrdan jong u ha ryngkat ki Heh shipai bad ki bor pyniaid ka Airport.
“Kiei kiei baroh kila shai lut.Ngi dang iapyrkhat ban pyniaid noh ia ki kam. kyrmen skhem va hapoh ar lane arsnem shiteng, ki liengsuin ba heh kin sa wan hiar ha Umroi Airport bad kan dei ka kam ka ban wan rah ia ka jingkylla kaba khraw ia ka Meghalaya” ula bynrap.
