-->

Shah thung u Justice S Sen kum u Chief Justice ka Meghalaya

Date:

Share post:

Shillong, Nailur 27: Ka Sorkar Pdeng kala mynjur ban thung ia u Justice Soumen Sen, u Nongbishar jongka Calcutta High Court, kum u Chief Justice bathymmai jongka Meghalaya High Court.

Ia katei ka rai la shim hadien ba la ioh ia ka jingbthah na ka Supreme Court Collegium mynta u bnai.

Ha ka Notification ne jingpynbna paidbah kaba la pynmih ha ka 26 tarik u Nailur kala ong, “Katkum ka jingpynkup bor ha ka Clause (1) jongka Article 217 jong ka riti synshar ka ri India, ka President kala thung ia u Justice Soumen Sen, u Judge ka Calcutta High Court, ban long u Chief Justice ka Meghalaya High Court kaban treikam naduh ka sngi ba u leit ban shimti ia ka kam”.

U Justice Sen ula rung ha ka kam iasaid ain bad ka Bar Council jongka West Bengal ha u Kyllalyngkot jong u snem 1991 bad ula shakri la 20 snem tam hapoh Calcutta High Court. Ula shah kyntiew kyrdan kum u Nongbishar ha ka Calcutta High Court ha ka 13 tarik u Iaiong 2011.

Hashwa ba un long u Nongbishar u Justice Sen ula shakri kum u Nongiasaid ba rangbah jong ka Sorkar Pdeng uba la mihkhmat ia kiba bun ki shnad treikam kum ka RBI, SEBI bad SIDBI ha kiba bun ki mukotduma, kynthup ia ki case napher bapher kiba iadei bad ka Civil, Constitutional, Banking bad kiwei kiwei.

Share post:

-->
spot_img

Popular

More like this
Related

Cherry Blossom | Wan poi u Nelly ha Shillong; pynkhreh ka Jylla ia ka miet hip-hop

Shillong, November 18: Ka Shillong kala pynkhreh ban pynlong...

Yn ioh ka Meghalaya da u Acting DGP hadien ba shongthait ka kong Nongrang

Ka jingthung DGP ba pura kan iaid kat kum...

Assam | Dawa u Heh VHP ia ka ain ba khang pynkylla niam ha Assam | Kyrshan ia ka UCC Bill

Guwahati, Naiwieng 18: U National President ka Vishwa Hindu...