Shillong, Iaiong 28 : U Prof David R Syiemlieh na Meghalaya ula shah pynkup burom da ka Padma Shri Award ha ka lain thoh kot bad ka pule dangle.
U Prof Syiemlieh, u Scholar ka History & Culture ka North East bad Chairman barim ka UPSC, u dei uwei napdeng ki 4 ngut ki nongioh ia ka Padma Vibhushan, 10 ngut ki Padma Bhushan bad 57 ngut ki ba ioh ia ka Padma Shri Award jong u snem 2025.
Ia kane ka khusnam la pynkup burom da ka President ka Ri India Droupadi Murmu ha ka jingialang ba la pynlong ha Ganatantra Mandap jong ka Rashtrapati Bhavan hynne ka sngi Nyngkong.
U Vice President ka India Jagdeep Dhankhar, u Myntri Rangbah Duh ka Ri Narendra Modi, u Myntri kam pohiing Amit Shah bad bun kiwei de ki Myntri bad ki Heh Sorkar kila iadonlang ha kane ka jingialang.
Kine ki nongioh ia ki khusnam kin leit ban pyndon burom ha ka National War Memorial lashai ka step 29 tarik Iaiong bad kin sa leit iuhkjat ruh ha Rashtrapati Bhawan bad Pradhanmantri Sangrahalaya.
