Shillong, Iaiong 16 : Ki Pulit ka East Garo Hills kila kem ia 15 ngut ki briew kiba donkti ban shoh ia uwei u rangbah haban da iap ha ka shnong Dagal Nachikol kaba hap hapoh ka Songsak Police Station, haba pynlong ruh ia ka jingthwet kaba jur ban iohkem sa ia uwei uba dang phetrieh.
“…..napdeng ki 16 ngut kiba la jer kyrteng ha ka ejahar, 15 ngut kila shah kem. Ka jingkhynra ka dang iaid ban ioh kem sa ia uwei” ong u Superintendent of Police ka East Garo Hills Bah S Rynjah ha ka kyrwoh.
Ia kane ka jingkem la leh halor ka ejahar ba iadei bad ka jingpyniap briew kaba la ioh pdiang da ka Songsak Police Station hadien jong ka jingjia ba jia ha ka 8 tarik Iaiong 2026, ha kaba uwei u briew ba kyrteng u Talseng T Sangma ba na Dagal Nachikol, ula shah shoh ha ka kynhun ki briew hala ka jong ka phyllaw iing.
Une u rangbah ula mynsaw jur bad hadien ula khlad noh na ki jingmynsaw katba dang kit ia u sha Civil Hospital, Williamnagar.
Kine ki briew kila leit rung beain ha ka phyllaw iing une u rangbah bad kila byrngem byrsit ia ki bahaiing hasem ba kin leh da kaba tyngeh.
Ki Pulit ka East Garo Hills kila kyntu ia ki paidbah ba kin nym pynkhriang ia ki jingtip ba bakla bad ban nym pynsngap ia ki khubor khlieng tyngab namar kane ka jingjia ka dang don ha ka jingtohkit.
