Shillong, Nailur 12 : Ka Laban Police Station kala shah kawang petrol bomb ha ki riew runar ha ka step sngi Saitjain.
Ki runar kila kawang artylli ki bomb sha kane ka thanad ha ka por 2:30 baje mynstep.
Kawei ka gypsy ba don u nombor ML02-0196 kaba pynieng ha phyllaw, kala julor malu mala.
Arngut ki Pulit kila lait salit na kane ka jingthombor.
Ki Pulit ki dang bishar ia ki video CCTV kaba la ioh ring dur ia kane ka jingjia-ba pyni ia ki bomb ba her na ka kynroh bala thmu beit beit sha Thanad bad ia ka kali.
“Ka jingtohkit kala iaid shakhmat ban ioh kem ia kiba donkti” ong u Superintendent of Police Bah Vivek Syiem.
Kane ka jinghiar thma kala jia hapdeng ka jingpynkhlain ia ka bor pahara hadien ki jingjia thang taiar ha kylleng ka sor nalor ka jingthoh ba dawa ban sangeh ia ka jingkem ia ki dkhot jong kawei ka sengbhalang.
