Shillong, Lber 31: Ka Meghalaya Sport Climbing and Mountaineering Association (MeSCMA) kala pyntip ba u samla Teimiki Sungoh na Shangpung, West Jaintia Hills ula shah jied ban leit iashimbynta ha ka Advance Mountaineering Course ha Himalayan Mountaineering Institute (HMI), Darjeeling.
Ka President ka MeSCMA Kong Malviancy Shabong kala pynpaw ba katei ka jinghikai pyntbit kan sdang naduh ka 1 tarik u ïaiong haduh ka 28 tarik u ïaiong bad une u samla ula ioh iaka jingkyrshan na ka Directorate of Sports and Youth Affairs, jong ka sorkar jylla.
U Teimiki Sungoh ula pyndep iaka Basic Mountaineering Course na ka National Institute of Mountaineering and Allied Sports (NIMAS), Arunachal Pradesh ha kaba ula ioh iaka Grade “A” kaba dei ka Grade kaba heh tam haka Mountaineering Course.
Une u samla ula ioh ruh iaka jingbthah ba un leit pyntbit shuh shuh ialade ha ka Advance Training ia kaba u donkam ban long uba khlain ha ka bor met bad ha ka bor pyrkhat bad u don ia ka sap ka phong ban long u nongkiew lum uba tbit.
Pule lang ia kane: Gherao ki paidbah ka BDO ka Resubelpara ba pynduna ia ka sngi bylla jong ka MGNREGS
