Shillong, Lber 27 : Arngut ki bar jylla, kila shah bom iap ha ka kynhun ki samla hynne ka janmiet sngi Balang hapoh ka Shnong Ichamati, kaba hap hapoh ka Sohra Civil Sub Division.
Kane ka jingjia kala jia ha ka por janmiet bad la kynnoh ba kine ki samla ba bom iap ia kine ki briew, ki dei kiba wan sha ka jingialang jong ki kynhun Sengbhalang kaba la pynlong ha Ichamati.
Kat kum ka khubor ba ioh lum, la iathuh ba kane ka jingialang ka dei kaba la pynlong da ka Khasi Students Union (KSU) ha ryngkat kiwei ki Sengbhalang, kiba pyrshah ia ka jingpyntreikam ia ka Citizenship (Amendment) Act, 2019.
Kat kum ka jingpyntip u Superintendent of Police ka East Khasi Hills, kine ki arngut ki bar Jylla ki dei kiba kyrteng u Esan Singh bad u Sujit Dutta. La ong ba ia ka metiap kine ki arngut la lap na Ichamati bad na Dalda.
Ia kane ka jingjia la pynthikna ruh da ki Nongialam Shnong ka thain, kiba iathuh ba kila lap hi markhmat ia ki metiap jong ki bar jylla ha surok Ichamati.
La iathuh ba mar syn wai ka jingialang, ki samla kiba wan sha kane ka jingialang, kila pynkulmar bad ktah kti ia ki bar jylla kiba iaid lynti bad ha ka jingshongshit, kila bom iap ia arngut.
Ki Pulit ka Majai Outpost bad na Sohra kila hiar wut wut sha Ichamati ban tem ia ka jingkulmar.
Ia ka khubor ba kham bniah yn sa pyllait kham hadien.
