Elekshon Lok Sabha | Ka VPP ka party ba kut ha District, ka Congress kabym larkam shuh, ong u Bah Paul

Date:

Share post:

Shillong, Lber 27 : U Nongialam ka United Democratic Party bad Myntri Sorkar Bah Paul Lyngdoh ula ong ba ka Regional Democratic Alliance (RDA) ka kham don ka lad ban jop na Shillong parliamentary seat ha ka elekshon Lok Sabha ban wan namar ka Congress ka dei ka bym larkam shuh bad ka Voice of the People Party (VPP) ka dei ka party ba kut ha kawei ka District.

Haba iakren bad ki nongthoh khubor hynne ka sngi Balang, u Bah Paul ula ong ba ka Shillong constituency ka ju dei ka ktem jong ka Congress hynrei ka sain pyrthei ha India kala kylla bak ly bak bad kane kan iarap ia ki party kum ka UDP bad ka kynhun synrop kum ka RDA.

“Kane ka long namar ha kawei ka liang, ka don ka jingbym kwah ia ka BJP. Ka jingshisha ba ki khlem pynieng kyrtong na Meghalaya a pyni ba ki tip ba kam don jingmut ia ki ban buh kyrtong. Mynta, ka don ka jingbym kwah ia ka BJP bad ka Congress ka dei ka bym larkam shuh, kumta ki paidbah kin vote shano?” ula ong.

U Bah Paul ula ong ba ka VPP ka dei ka party ba dang mih thymmai ha ka kam sain pyrthei bad kam don satia ia ki ktem hangno hangno ruh lait na East Khasi Hills District ka Meghalaya.

“Ha kawei ka District napdeng ki 12 tylli ki District ka Meghalaya, kane ka party VPP ka don, kumta ym lah ban khot ia ka kum ka seng riewlum, kam dei ruh ka party ba Jylla, ka dei ka party jong kawei ka District” ong u Bah Paul haba bynrap “Kumta phi sngewthuh ia kane ka jingkren, ngi iakhun ha ka jylli kaba ka National Party ba lamkhmat kam iakhun ia ka elekshon, ka NPP kala jied ban iatreilang bad kane ka party, ka Meghalaya kala ju vote pyrshah ia ka BJP, ka Congress ka dei ka bym larkam bad ka VPP kaba don tang ha East Khasi Hills, mynta, mano ba don lad bha ban jop, ka shong ha phi ban khein jingkhein”.

Haba pynpaw ba ka UDP ka dei ka party ba lamkhmat ha Ri-lum Khasi Jaintia, u Bah Paul ula ong “Ka jingshisha ba ngi don haduh 12 ngut ki MLA bad ngi la jop na bun eh ki constituency ka Ri-lum Khasi Jaintia. Ha kawei ka por, ka UDP kala jop 7 na ka 7 tylli ki constituency ka Ri-lum Jaintia, lada phi ia nujor bad ka NPP, ka NPP ka jop khyndiat eh ki seat bad nalor kane, wat ha ki ADC, ka dei ka UDP kaba jop bun hynrei namar ka jingbym treikam ka Tenth Schedule, kala mih ka jingkynthih seng sha ka NPP kaba ialam mynta ia ka EC ha KHADC”.

Share post:

spot_img

Popular

More like this
Related

Kuki Apex body opts to abstain from voting for the upcoming Lok Sabha elections

Imphal, Apr 16: The Kuki Inpi Sadar Hills, apex...

Congress leader slams BJP for using ED and CBI against opposition leaders

Dibrugarh, April 16: Congress leader Pawan Khera on Tuesday slammed...

Ujor ejahar u MLA barim ka Mawlai ba pynsaphriang khubor lamler ha Social Media

Shillong, Iaiong 16 : U MLA barim ka Mawlai...