Shillong, Nailur 10: Ki bor district South West Garo Hills kila pynkynriah bad ai jingïarap ïa kawei ka longïing ha ka shnong Murikhati ha South West Garo Hills hadien ba ki hati khlaw ki la pynjulor ïa ki ïing ki sem jong ki.
Katei ka jingjia ka la jia ha ka por kumba 12:30 shiteng synia ha kaba ki hati khlaw kila pynjulor ia ki iing sah jong u Khetish Hajong bad ka Obharani Hajong.
Ka kamra shet bad ka kamra buh mar jong u Khetish Hajong bad ka kamra shet jong ka Obharani Hajong ki la shah pynjulor.
Hadien kane ka jingjia, na ka liang ka District Disaster Management Authority, South West Garo Hills ka la ai jingiarap mardor bad sam marbam sha u Khetish Hajong.
Ki bor district ka la iathuh ba la lum ia ki jingtip ba bniah jong ki longing kiba shah ktah bad la pynshisha na ka bynta ban ioh jingiarap.
Ki bor district kala ong ba la ai jingïarap ha ka por kaba biang sha ki shnong kiba shah ktah naka jingwan kyntur pud ki mrad khlaw.
