Shillong, Nailur 10 : Ha ka jingpynkylla kaba heh ha ka kam thungkam thungkam, ka Sorkar Jylla kala pynduh noh ia ka jingshim personal interview na ka bynta ka kam Froup C non-technical.
Ka office memorandum bala pynmih da ka Tnad Personnel and Administrative Reforms (B) ha ka sngi Palei ka ong ba u Lat u sngewbha ban hukum ia ka jingpynsangeh noh ia ki interview ban thung kam beit betis ha ka Group C non-technical kiba hap hapoh ka pay level 2 haduh level 10.
Ka hukum kan treikam noh naduh ka 1 tarik Kyllalyngkot, 2027 bad kan treikam ia ki kam bala pynbna lait kam ha lane hadien katei ka sngi.
Kane ka sienjam ka long kum ka jingpynbteng ia ka memorandum ka tnad ba 29 tarik Naitung 2025, kaba la pynduh noh ia ka interview ia ki kam Group D naduh ka 1 tarik Risaw 2025 kaba iaid ruh kat kum ki jingpynkylla bala wanrah da ka Sorkar Pdeng ha u 2015.
U Commissioner and Secretary C V D Diengdoh, ha ka memorandum, ula bthah ia baroh ki Tnad bad ki bor thungkam kynthup ka MPSC, District Selection Committee bad kiwei ki Board thungkam ba kin pyntreikam pyrrkhing bha ia kane ka hukum bad ban pynkylla ia ki rule thungkam lada dang kdew ia ka jingshim interview kum shibynta jong ka jingthungkam.
Ka Sorkar kala pynshai ba ki qualifying test kum ka skill test, typing test bad physical efficiency test kin dang iai bteng.
Lada don ka jingioh mar katjuh ia ki mark ha ka written exam, ki kyrtong kiba ioh bun ka aggregare marks ha ka klas 12 kin ioh shuwa, bud da ka marks klas 10 bad ka jingheh rta lada dang ialong mar katjuh.
Kane ka hukum kan ym treikam ha ka jingthungkam pulit bala pynlong da ka Central Recruitment Board bad ki ba thungkam contract lane nongbylla sngi.
Ka Sorkar kan sa thung ruh ia ka committee ka ban shong bishar ha ka jingthungkam ha ka kam technical bad non-technical hapoh ka Group C.
