Shillong, Lber 27 : U Nongialam ka UDP bad Myntri Sorkar Bah Paul Lyngdoh ha ka sngi Balang ula ong ba ka UDP hi kam dei sati aka dkhot jong ka North East Democratic Alliance (NEDA) ba ialam daka BJP.
“Ngim shym la don lang ha ka NEDA. Ka NEDA ka khlem iakynduh shuh la slem bha, ngam tip shuh la ka dang im ne la iap” ong u Bah Paul haba iakren bad ki nongthoh khubor.
Haba pynpaw ba jingkylli kam mih satia ba ka UDP ka dei shibynta jong ka NEDA, u Bah Paul ula ong “Kum shibynta n aka manifesto jong ngi, kala don ka mat ba kdew ia ka jingpyrshah jong ngi ia ka hindutva kum ka nongrim treikam. Ngi la ai jingmut ruh ban iarap pisa ia ki missionary khristan nabar Ri ruh kumjuh. Ngi la kren pyrshah ia ki jingthobor pyrshah ia ki Khristan ha kylleng ka Ri India. Kane ka dei ka nongrim jong ngi”.
