Shillong, Nailur 16 : Kum ka jingpyrshang ban iakhun ha kaban tem ia ka jingpep skul shiteng por, u Myntri ka Tnad Pule Puthi Rakkam A Sangma, ula kyntu ia ka jingiatreilang jong baroh lyngba ka “Back-to-School” campaign, ka sienjam bala shim lang da ka Meghalaya State Legal Service Authority (MSLSA), Red FM 93.5 bad ka Tnad Pule Puthi.
Kane ka prokram ka phaikhmat sha ka jingpynrung biang ïa ki khynnah kiba la ieh noh shiteng por ia ki jingpule, khamtam kito kiba wan na ki longiing ba suk ba suk bad ki jingktah kiba mih hadien ka jinglynshop ka khlam COVID-19.
U Rakkam u la pynpaw ïa ka jingdonkam jong ka jingïadon bynta lang ka imlang sahlang ha kaba wanrah biang ïa ki khynnah skul sha ka kamra klas, haba pynpaw ia ka jingdonkam ban pynthikna ba ka hok jong uwei pa uwei u khynnah ban ïoh ia ka jingnang jingstad ka donkam ïa ka jingïatreilang jong baroh ha ka imlang sahlang.
U Myntri u la kyrpad ia ki paidbah, ki nonghikai, bad ki kynhun bapher bapher ba iadon bynta ha ka pule dangle, ban buh hakhmat eh ia kane ka mishon bad ban kyrshan ia kane ka jingthmu naduh ka dohnud.
Ha ka iaid bad kane ka jingpyrshang, ka sorkar jylla kala pyntreikam ïa ki katto katne ki jingpynkylla ha ka pule puthi, kynthup ïa ka jingpynthymmai ïa ki tiar pule, ka jingpynbha ïa ki jingtei jong ki skul, bad ka jingpynrung ïa ki tiar kiba thymmai kum ki kot pule ba la buh da u QR, ai ïa ki jinghikai lyngba ki video ban kyrshan ïa ka jinghikai ba ju hikai baroh shikatta.
Ia kane ka campaign la pynwandur ban pynsaphriang ia ka jingsngewthuh, ban pynshlur ia ki sienjam kiba kham kongsan ha ka ban pynthikna ia ka lawei kaba phyrnai na ka bynta ki samla jong ka Meghalaya.
, Red FM 93.5 bad ka Tnad Pule Puthi.){kind=link}