Shillong, Iaiong 14 : U Symbud Myntri Rangbah ba khmih ia ka kam Pohiing (Police) Bah Prestone Tynsong ula pyntip ba ka jingtohkit kala iaid shakhmat halor ka jingpynjulor ia u mot jong u Jisu Khrist ha Chibinang, West Garo Hills.
“Ngi la dep thung ia ka inquiry committee halor kane” ong u Bah Prestone haba kylli halor kane ka jingjia kaba la jia ha ka 9 tarik Lber namar ka jingkulmar na ka jingiakynad pher Jaidbynriew.
Ia mynta, u MLA barim Esmatur Mominin ula pyndem ialade hakhmat ki Pulit ka Ri-Bhoi hadien ka ejahar bala mudui pyrshah ia u ba kynnoh donkti ban kynshoit ia ka jingkulmar kaba jia ha ri-lum Garo.
Haba kylli halor ka jingpyndem u Mominin, u Bah Prestone ula ong “Ngam kwah ban ong eiei halor kane ia mynta. Ai ba ka jingtohkit kan iaid namar kam iahap ia nga ban ong eiei. Kumta, kan bha ban gin ap. Ka por kan sa poi ha kaba phin sa tip hangno ba ngi la poi”.
 Bah Prestone Tynsong ula pyntip ba ka jingtohkit kala iaid shakhmat halor ka jingpynjulor ia u mot jong u Jisu Khrist ha Chibinang, West Garo Hills.){kind=link}