Shillong, Jymmang 09: Ka Meghalaya Football Association (MFA) ha ryngkat ka jingiatreilang bad ka tnat Sports and Youth Affairs bad ka District Football Association (DFA) ki la pynlong ia ka selection trial ban jied iaki thei ialehkai ka Jylla, kaba la long ha ka sngi Saitjain ha Chandmari Artificial Football Turf Tura.
Iaka jingjied iaki thei ialehkai la khmih bniah da 5 ngut ki nongjied (Selector) na ka MFA Women’s Committee bad kane ka jingjied iaki thei ialehkai ka long kum ka sienjam ba nyngkong eh ha ka jingpynkhreh ïa ka kynhun ïalehkai jong ka jylla kaba lah ban ïakhun ha ka 39th National Games, ka ban long ha Meghalaya ha u snem 2027.
Ka Committee ka pynpaw ïa ka jingsngew sarong kaba khraw ïa ka jingwan jong ki thei ialehkai da kaba kdew ba palat 50 ngut ki nongïalehkai ki la wan na kylleng ki district ban pyni ïa ka jingtbit jong ki haka jingïalehkai.
Kane ka long kum ka jingpyrshang ban pyndap ïa ka jingduna na ka bynta ki nongïalehkai kiba la duh noh mynshuwa ban ïashimbynta haki jingialehkai namar bun ki daw.
Ki la pynpaw ruh ïa ka jingshaniah kaba khraw ha ka jingpynkhreh na ka bynta ki jingïalehkai, da kaba pynpaw ba ïa ka rukom jied iaki thei ialehkai ka long katkum ka jingtbit ki nongialehkai.
Ki nongmihkhmat ka DFA ki la pynskhem biang ïa ka jingkular jong ki ban kynkiew naka por shaka por iaka jingialehkai football ki kynthei bad pynpaw ban sdang iaki tournament bapher bapher ban ailad iaki thei ialehkai ban sei iala ki sap ba ki don.
Hadien 6 sngi ka iingbishar bniah iaki thei ialehkai, la jied ïa 6 ngut ki thei ialehkai ban shim bynta haka jingshah hikai pyntbit.
Kiba shah jied ki kynthup ka Bonkame Lamsa B. Marak na Jengjal Chiokgre, Dondime Domanchi M. Sangma na Mengkakgre, Norik G. Momin na Mendipather, Katchaan Chimik M. Sangma na Kharkutta, Dilchi G. Momin from Rongjeng, bad Ajerik N. Marak na Dainadubi.
Ka jingjied iaki thei ialehkai ha Tura ka dei shi bynta jong ka jingthmu kaba kham heh ha ka jylla baroh kawei, namar ba ka MFA ka thmu ban pynlong ïa ki jingjied kiba kum kine ha kiwei pat ki thaiñ jong ka Jylla Meghalaya.
Kiba shah jied kin hap ban pyndep iaki rukom bapher bapher ha Shillong hashuwa ban shah kynthup haka kynhun ialehkai jong ka Jylla naka bynta ka National Games 2027
 ha ryngkat ka jingiatreilang bad ka tnat Sports and Youth Affairs bad ka District Football Association (DFA) ki la pynlong ia ka selection trial ban jied iaki thei ialehkai ka Jylla, kaba la long ha ka sngi Saitjain ha Chandmari Artificial Football Turf Tura.){kind=link}