Guwahati, Rymphang 23 : Haba pyllait por ialade na ki kam ba ki trei, ki nongpathai khubor kila iashimbynta ha ka TG Baruah Memorial T20 Media Tournament, 2024 ba 11, kaba la pynlong ha nongbah Guwahati.
Ia kane ka lympung ialehkai la pynlong ha Guwahati Judges Field naduh 21 tarik Rymohang bad yn pynlut ha ka 28 tarik Rymphang.
Mynta u snem, ki don 11 tylli ki kynhun (Team) kynthup ki Nongpathai khubor bala rangbah ne Senior bad kiba dang khynnah ne ki Junior, kiba dei jong ki Lad pathai khubor na Guwahati bad kiba na shabar.
Naka liang u TV journalist u Anirudha Bjakat u la ong ” Ka por jong ngi ka long kaba khim bha, haba don kino kino ki jingjia, ngi hap ban mareh na kawei ka jaka sha kawei pat ban lum khubor. Wat hapdeng ki jingeh, ngi la trei shitom bha. Naduh 6 baje ba kilan met sha ka jinglum khubor Iingdorbar bad kiwei ki khubor, ka jingiashimbynta ha kane ka lympung kum ka kynhun ka wanrah ha ngi ia ka jingsngew longtrai. Ngi, ki nongpathai khubor, ngi im kum shiing shisem”.
Uwei pat u Nongthoh khubor Abhijeet Deb ula kren ia ka jingkongsan ban kilan met haba ialehkai badong “Ka cricket bad kiwei ki jingialehkai ki donkam ban pynkhih ia ka met ka phad bad ka long kaba bha palat ban iashimbynta ha kum kine ki jingialehkai”.
Ka president jong ka Guwahati Press Club ka Susmita Goswami kala pynpaw baka long kaba donkam iaki nonglum khubor ban shim bynta haka sports daka ba ong “Kum ki nonglum khubor ngi la bunkam beit bad la ka kam hynrei haba ngi iohlad ban iashimbynta ha ki lympung ialehkai ki Nongpathai khubor, ka dei ka kam kaba biang palat”.
