Shillong Iaiong 07: Uwei u heprit uba la don kumba 12 snem ka rta ba na Dymmiew Mawprem, ula khlad haba ka saikil ba ula niah, kala leit tynrah bad rung shapoh khrum jong ka kali hajan Mahari Petrol Pump, Jaiaw Langsning.
Katkum ka khubor ba iohlum, la iathuh ba kane ka jingjia kala jia ha ka por ba ka kane ka kali (Tata Pick Up) ka dang mut rung shapoh petrol pump. La iathuh ba une u heprit uba niah saikil ula leit tynrah bad rung syndon hapoh khrum jong kane ka kali bad ula shah iuh ha ka shaka kaba shadien.
Ki bahaiing bahasem ryngkat bad ki pulit kila pynkit noh mardor ia une u heprit sha hospital ban ioh ia ka jingsumar hynrei la ioh jingtip ba une u heprit ula khlad noh.
