Shillong, Nohprah 15: Ka kynhun ialehkai jong ka Meghalaya kala iakhaid da 2-2 bad ka Tamil Nadu ha ka jingiakhun ha ka Senior Men’s National Football Championship jong ka Santosh Trophy 2024-25 kaba la long hynne ka sngi u Blei ha Deccan Arena, Hyderabad.
U Damanbhalang Chyne ula thep ia kitei ki ar tylli ki kol ha ka minit kaba 50 bad 69 ha kaj ingiakhun ha ka Group B pyrshah ia ka Tamil Nadu kaba la ioh ban the par kol ha ka kylla step lyngba u Pandiyan Sinivasan ha ka 28 minit bad u Alexander Romario Jesuraj ha ka minit kaba 45’+2.
Mar ia sdang ka jingiakhun ka Tamil Nadu kala ialehkai bha ha kaba kala ioh ban thep 2 kol ha ka kylla step katba ka Meghalaya watla kala ia ki kabu kam shym la lah satia ban thep kol.
Watla ka jingiakhun kala long kaba itynnad bad kaba ym shim la poi pyrkhat ka long ba mar ia sdang ka kylla miet ka Meghalaya kala sdang ban ialehkai bha bad kala ioh thep shi kol bad kane kala nang ai mynsiem ia ki rangialehkai ban ialehkai bha shuh shuh bad kila ioh ban thep sa shi kol bad ka jingiakhun kala kut noh syndon ha ka jingiakhaid.
Mar ia sdang ka kylla miet u Coach ka Meghalaya u Bah Hering Shangpliang ula pynshong noh ia ki ar ngut ki rangialehkai bad ula pynmih da ar ngut kiba ialehkai shakhmat kiba kynthup ia u Khrawkupar Jana bad Fairming Suting bad kumta ka kynhun kala lah ban thep kol bad ban lait syndon na ka jingmad ia ka jingrem.
Hashwa kane, ha ka Group B, ka Kerala kala pynrem da 4-3 ia ka Goa kaba la wan baar ha u snem 2023-2024.
Katba ka Delhi kan iakhun pyrshah ia ka Odisha.
Ka Meghalaya kan iakhun pyrshah ia ka Kerela ha ka sngi Baar ha ka por 7:30 mynmiet.
