Shillong, Nohprah 15 : U MLA ka Mowkaiaw Bah Nujorki Sungoh ula dawa ia ka Sorkar Jylla ba ka dei ban iasaid tyngeh ba dei ban pynphai noh ia ki 36 tylli ki Shnong na Block-I sha Meghalaya ha ka jingiakren pynbeit pud jong ka wat kaba ar bad ka Assam.
Haba kren halor kane ka kam, une u MLA ula ong “Ka kam Block-I ka dei ka ban dang iakren ha ka jingialang ki bor Sorkar, kumta ym pat lah ban ong eiei than ia mynta. HYnrei, nga la ju iai kren ia kane ka kam hapoh ka Iingdorbar Thaw Ain ka Jylla”.
Ula ban jur ba ki 36 tylli ki shnong ha Block-I ki dei kiba shong shnong da ki paid Pnar, kaba pynksan ia ka jingkam longtrai ka Meghalaya ia kane ka jaka.
U Bah Sungoh ula ong “Ka thain, kaba don haduh 36 shnong, la shu kam trai da ka Assam. Hynrei nga ngeit skhem ba kine ki shnong ki dei ban pynphai noh sha Meghalaya”.
Halor ka jingiaid ka kam ban buh ia ka Police Outpost Mukroh, kaba la mang hadien ka jingther kuli ki Forest Guard ka Assam ba lam sha ka jingiap jong ki katto katne ngut, u bah Sungoh u pyntip ba ka jingwad ia ka jaka ban tei ia kane ka Outpost ka dang iaid shaid shaid.
