Shillong Naitung 18: U MLA ka Mawkynrew constituency u Bah Banteidor Lyngdoh ha ka sngi Palei, ula sam Laptop bad Printer sha ki samla pule bad ki bor pyniaid skul nlor ki kor suhjain sha ki kynhun bad ki riewshimet kiba dei na ka Constituency.
U Bah Banteidor ula iathuh ba ula sam ia kine ki jingiarap lyngba ka tulop MLA kaba ula pynlang baroh shi katta, ban ai jingiarap ia ki samla pule kiba pule ha ki kyrdan kiba heh, kiba wan na ki longiing baduk.
Ula ong ba u don ia ka jingthrang ban iarap ia ki samla pule da kine ki tiar ba kin pyndonkam ha ki jingpule bad u kwah ban iohi ba ki samla kin kiew shaphrang ha ka jingpule bad ba kin long kum ki heh IAS, IPS ophisar..
“Ia ka MLA scheme ngam ju nud ban pyndonkam bakla namar hashwa ka elekshon, kila don kiba wad jingtip ia ka jingai skhim hynrei kim shym la lap satia ba ngan pyndonkam bakla ia ki scheme” ong u Bah Banteidor Lyngdoh.
Nalor kane u Bah Banteidor ula sam ruh ia ki kor suhjain̈ sha ki kynhun bad ki riewshimet ba kin ioh suh bad syrdep ia ki jain̈ ki nep.
