Shillong, Risaw 22: U Myntri ka Sorkar Pdeng uba khmih iaka tnad Ain u Kiren Rijiju hynne ka sngi saitjain, u la pyntip ba ka sorkar India ka la shim iaka rai ban pynduh pyndam noh ia ki aiñ ki kanun ki bym larkam shuh na ka Statute Book ne ka kot jong ki aiñ.
U Rijiju haba iakren bad ki nongthoh khubor hadien ja jingialang ha nongbah Shillong, u la ong ba ki aiñ ki kanun ki bym larkam ne donkam shuh kila shu pynkhia kai ia ki riewpaidbah, hynrei ki aiñ kidei ban wanrah iaka jingbha na ka bynta u paidbah ym ban pyndik iaki.
“Ki Aiñ ki long kum ka jingai iaka jingbishar kaba hok ne ban kdew ia ki lad ki lynti ban pynthi kna ba ka jingim jong ki riewpaidbah ka dei ban long kaba biang. Kumta kino kino ki aiñ ki bym donkam ne larkam shuh kiba la pyntreikam naduh ki por kiba mynshwa, ki bym don jingmut shuh ha kane ka juk kaba mynta, kan ym long kaba iahap ia ki ban dang don haka Statute Book,” ong u Rijiju.
Une u Myntri ka Sorkar Pdeng ula pyntip ba ka Sorkar Pdeng ka la dep ban weng palat 1500 tylli ki aiñ haduh mynta bad ha ka Dorbar Tlang jongka Parliament yn sa rah shuh shuh iaki Aiñ ki bym larkam shuh ban pynduh pyndam.
