Nongstoin, Jymmang 24 : Ka skul Nongstoin Public School kala paw kyrteng ha ka thup Top 20 jong ka eksam Secondary School Leaving Certificate (SSLC) ka MBoSE bala pynbna result hynne ka sngi Thohdieng.
Kane ka skul kala paw kyrteng lyngba i samla Witnessy Wahlang, khun jongu Bah Khospar Marbaniang bad I Kong Successful Wahlang, iba la wan ha ka kyrdan ba 14 ha ka Top 20.
Ine I samla iba sah ha shnong Mawiong Pyndengrei, Nongstoin, ila ioh haduh 92 tam ka percentage bad ila ioh distinction ruh ha baroh ki sobjek.
I Headmistress ka Nongstoin Public Secondary School Kong Caroline Rymbai, I pyntip ba ka skul kala ioh ia ka result SSLC kaba bha ha kane ka kynti bad baroh ki khynnah kila pass lut ia ka eksam.
I pyntip ba ka skul kala phah haduh 49 ngut ki khynnah ban iakhun ia ka eksam bad napdeng kine, 17 ngut kila ioh ia ka 1st Division.
