Shillong, Jymmang 24 : Hadien ka jinglap ia ka shynrong khlieh briew, ki Pulit kila lap shuh shuh sa ia ki shyieng lbong bad ka krung na ka nala jong ka shnong Bivar Road, Shillong.
Kat kum ka jingpyntip u Superintendent of Police (SP) ka East Khasi Hills, ia kane ka shynrong khlieh la lap ha ka 22 tarik Jymmang. U pyntip ba mar mar, la pynlong ia ka jingtohkit bad ka jingwad shuh shuh ia ki lyngkhot met ha ka thain.
U pyntip ba ha ka 23 tarik, ka kynhun Pulit kala ioh tam pat sa ia ka lbong bala kem pyut napoh ka nala jong kane hi ka thain bad ha ka 24 tarik pat la lap sa ia ki shyieng krung hadien ka jingwad kaba neh slem bha.
Ki Pulit ki suba jur ba kane ka metiap ka dei jong u rangbah briew bad ia kine ki lyngkhot met la kit noh sha NEIGRIHMS ban leh ia ka medical examination.
Ki Pulit kila register case halor kane ka jingjia ha Sadar Police Station hapoh ka kyndon 302 IPC bad ka jingtohkit mynta kala iaid shakhmat ban lah pynithuh ia kane ka metiap.
 ka East Khasi Hills, ia kane ka shynrong khlieh la lap ha ka 22 tarik Jymmang. U pyntip ba mar mar, la pynlong ia ka jingtohkit bad ka jingwad shuh shuh ia ki lyngkhot met ha ka thain.){kind=link}