Shillong, Jan 29: Ka Meghalaya kan iakhun ia ka jingialehkai kaba khatduh jong ka Ranji Trophy 2024-25 Elite Group A pyrshah ia ka Mumbai kaban long ha Bandra Kurla Complex, Mumbai naduh lashai ka sngi Palei.
Ka Meghalaya Senior Men’s Team Selectors kala pynbna ia ka kyrteng jong ki 15 ki nongialehkai cricket ka jylla ha kaba la wanrah ia u Kishan Lyngdoh ban mih bujli ha ka jaka jong u Wanlambok Nongkhlaw.
Ka Mumbai kan ialehkai khlem ka jingdon jong ki nongialehkai kiba pawnam ka ri kiba kynthup ia u Rohit Sharma, Yashasvi Jaiswal bad u Shreyas Iyer kiba la leit ban don noh bad ka kynhun ialehkai jong ka ri India ban iakhun pyrshah ia ka Englad ha ka One Day International.
Hynrei ia ka Mumbai yn ialam da u nongialehkai ba pawnam ka ri u Ajinkya Rahane bad ka Mumbai ka donkam ban jop kput ia kane ka jingiakhun pyrshah ia ka Meghalaya ba kan ioh rung sha kawei pat ka Round jong ka Ranji Trophy.
Ki nongialehkai jong ka Meghalaya ki kynthup ia u Akash Kumar Choudhary (C), Anish Charak, Kishan Lyngdoh, Himan Phukan, Arpit Bhatewara (WK), Bamanbha Shangpliang, Bijon Dey, Dippu Sangma (VC), Jaskirat Singh Sachdeva, Pringsang Sangma, Nishanta Chakraborty, Md Nafees Siddique, Ajay Duhan, Sumit Kumar bad u Anirudh B.
Ki nongialehkai kiba la pynap lypa ki kynthup ia u Arien B Sangma, Chengkam Sangma, Riboklang Hynniewta bad u Lerry G Sangma, katba ki support staff ki kynthup ia u Prabhakar Bairgond (Head Coach), Moisten Ch Marak (Assistant Coach), Surojit Biswas (Physio), Vikash Singh Chauhan (Trainer) bad u Bah Dister Marbaniang (Manager).
, Anish Charak, Kishan Lyngdoh, Himan Phukan, Arpit Bhatewara (WK), Bamanbha Shangpliang, Bijon Dey, Dippu Sangma (VC), Jaskirat Singh Sachdeva, Pringsang Sangma, Nishanta Chakraborty, Md Nafees Siddique, Ajay Duhan, Sumit Kumar bad u Anirudh B.){kind=link}