Shilllong, Jylliew 26 : Ka mukotduma bala mudui da u kyrtong ka VPP sha ka elekshon shiteng samoi ka Shillong Lok Sabha Dr Batskhem Myrboh pyrshah ia ka NEHU, yn sa shong bishar ha u bnai ban wan.
Kane ka long kat kum ka hukum ka Iingkashari Meghalaya High Court kaba la pynkynriah ia ka sngi shong bishar ia ka mukotduma sha ka 10 tarik Naitung.
U Justice HS Thangkhiew ula pynmih ia ka hukum ha ka sngi Thohdieng, hadien ba u nongiasaid jong ka NEHU ula pyntip sha Iingkashari ia ki kam kiba mih haba iadei bad ka jingialang jong ka Executive Council ka University.
U Bah E Blah uba mihkhmat ia ka NEHU, ula pyntip ba ka Executive Council kala iakynduh ha ka 25 tarik Jylliew 2026, hynrei ia kane ka jingialang la pynkynriah sha ka 7 tarik Naitung, 2026.
Haba shim ia kane ka jingpyntip, ka Iingkashari kala bthah ban buh ia kane ka kam ban shong bishar biang ha ka 10 tarik Naitung, 2026.
