spot_img

Rai pynbteng ki Nonghikai Adhoc ia ka jingiakhih hakhmat ka Secretariat

Date:

Share post:

Shillong, Jylliew 29: Ki Nonghikai Adhoc kiba don hapoh ka lama jong ka Federation of All School Teachers of Meghalaya (FASTOM) hynne ka sngi Balang, kila rai ban pynbeit beit ia ka jingiakhih da kaba lum paidbah hakhmat ka Secretariat tad haduh ba ka Sorkar Jylla kala long kaba khreh ban pyntreikam noh ia ki jingdawa jong ki.

Ia kane ka rai la shim hadien ba ki Nonghikai Adhoc kim sngewhun satia ia ka jingkular bala ai da u Myntri ka Tnad Pule Puthi ma Lahkmen Rymbui, uba la iakynduh hynne ka sngi ia kine ki Nonghikai.

U Nongaiktien ka FASTOM bah Mayborm Lyngdoh ula ong ba u ma Lahkmen ula kular ia ka Kynhun ba ka Sorkar Jylla kan dang sa mynjur noh ia ki jingdawa jong ki Nonghikai.

“Hynrei ula pynpaw baka Sorkar Jylla ka dang donkam khambun ka por namar ki katto katne ki kam ba hap ban pynbeit” ula ong.

Palat 8000 ngut ki Nonghikai Adhoc kila dawa ia ka jingpynkiew tulop ba T. 18000 bad ka increment ba manla u snem kaba long 5%.

“Tad haduh ba ka Sorkar kala ai ha ngi ia ka hukum, ngin ym mih satia nangne nakhmat ka Secretariat” ula ong.

Haba kylli, u Bah Mayborn ula pyntip ba palat 2000 ngut ki Nonghikai kila wan iashimbynta ha kane ka jingiakhih kaba la sdang naduh ka sngi ba-ar hadien baka Sorkar kam shym la lah ban shim rai halor ka jingdawa jong ki wat hadienba ka Kynhun Myntri kala dep shong jingialang haduh laisien.

Ula pyntip ruh ba ki Nonghikai ha Ri-lum Garo ruh kila pynlong ia kane ka jingiakhih da kaba iashong paidbah bad sngi bad miet hakhmat ka Mini Secretariat kaba don ha Tura.

Share post:

spot_img
spot_img

Popular

More like this
Related

30% of BJP supporters in South Shillong averted to vote ‘out of anger’: says Sanbor Shullai

SHILLONG, MAY 21: BJP legislator from South Shillong Sanbor...

U drok bad ka shongkha pathar ki daw bah ka jingpang Ñiangkulia: MACS

Nongstoiñ, Jymmang 21: Ka Meghalaya State Network of Positive...

Iakynduh ka HYC ia ki bor District ka WKH ba la jyllei u droks hapoh ka District

Shillong, Jymmang 21: Ka Hynniewtrep Youths Council (HYC) West...

Pyntip ka DGP ban iakynduh paidbah man ka sngi Palei

Shillong, May 21: Ka Director General of Police (DGP)...
spot_img