Rai ki Sengbhalang ban pynkhie im ia ka jingdawa ILP, pynbeit khappud bad kiwei

Date:

Share post:

Shillong, Jylliew 27: Ki Kynhun Sengbhalang ka Jylla kila rai ban pynkhie im biang ia ki mat jingdawa kiba dang sahteng ban pyntreikam kiba kynthup ia ka Inner Line Permit (ILP), ka jingpynbeit noh ia u pud u sam ba thikna bad ka Assam lem bad kiwei kiwei.

Ha kajuh ka por, kine ki kynhun Sengbhalang ba kynthup ia ka KSU, FKJGP, HNYF, RBYF bad JSU, kila byrngem ruh ban shim da ki sienjam ban pynlong da ki prokram jingiakhih nangne shakhmat ban pynkyndit bynriew ia ka sorkar Jylla bad ka Sorkar Pdeng halor kine ki mat ba sahteng.

Kane ka rai kala mih na ka jingialang jong kine ki san tylli ki Seng ba long hynne ka sngi nyngkong ha Ophis treikam jong ka KSU ha Jaiaw.

Kat kum ka kyrwoh ba la phah da u Bah Dundee C.Khongsit Working President ka FKJGP la ong ba kane ka jingialang kaba la neh bun kynta, kala bynniaw jur halor ka jingsahteng kiba bun ki ishu kiba la dawa bad iakren bad ka Sorkar n aka por sah ka por.

“Kum ka kynhun jong ki san seng, ngi la rai ba shen ngin sa sdang biang ban pynsawa jam ia kadur ban iai bteng ia ki jingdawa ba dang sahteng kiba kynthup ia ka ILP, jingiapynbeit khappud bad kiwei kiwei ki mat kiba kham hakhmat kiba kum ka Jaidbynriew kala donkam kyrkieh” ula ong.

U Bah Dundee ula pyntip ruh ba ka kynhun ki san seng kin sa shim da ki sienjam ban shong bishar sani ia ki prokram jingiakhih ban pynkyndit bynriew ia ka Sorkar Jylla bad ka Sorkar Pdeng.

“Ngin sa shong jingialang biang ha ki khyndiat taew ban wan ha ryngkat bad ki Kynhun Sengbhalang na Ri-lum Garo kiba ju iatreilang n aka por sha ka por khnang ba ki prokram jingiakhih kin treikam salonsar ha baroh kawei ka Jylla” ula ong.

Share post:

spot_img

Popular

More like this
Related

Jur ka jinghap thah ha Sikkim, sahkut palat 500 ngut ki nongshang suwari

Gangtok, Rymphang 21: Namar ka jingjur ka jinghap thah,...

Dawa ki nongrep ia u DC ban kem naphang ia kiba thang lum ha WKH

Nongstoin, Rymphang 21 :Ka seng ki nongrep Hills Farmers...

Kurup ki BSF ia ki dawai Phensedyl bad ka shini ba khappud Bangladesh

Shillong, Rymphang 21: Ki shipai BSF ha ka sngi...

Plie u Dr Mansukh ia ka workshop ka koit ka khiah ki Jylla NE ha Shillong

Shillong, Rymphang 21: U Myntri ka Sorkar Pdeng ba...