Shillong Nailar 30: Ka sorkar jylla hynne ka sngi, kala mynjur ban tei iaka Medical Skill Hunar Hub ha Babadam kaba hap hapoh ka North Tura Constituency, West Garo Hills District haka jinglut jingsep kaba kot T.151.95 Klur.
The Medical Skill Hunar Hub will have space for 2500 students with hostel facilities, Pharmaceutical College, Paramedical College & Skill Development Centre.
This will be one of the largest Skills Centre for Medical Skills in the North East region@smritiirani @mansukhmandviya
— Conrad Sangma (@SangmaConrad) August 30, 2022
“Ia katei ka projek la sdang ban pynwandur naduh u snem 2020 bad ka jingthmu ka long ban don iaka Medical Skill na ka bynta ki Paramedical Staff bad yn tei ruh iaka Skill Centre kaba heh ha West Garo Hills bad ka daw ba la jied ia katei ka jaka kadei da ka Ministry of Minority Affairs kaba bei tyngka ia katei ka projek” ong u Conrad K Sangma haba iakren bad ki nongthoh khubor.
U la ong, dei tang ka West Garo Hills kaba la shah jied ban ioh iaka bhah tyngka ha u snem 2020 hynrei naduh u snem 2022 kala don ka jingpynkylla ha kaba baroh ki district ki lah ban ioh jingiarap na ka Ministry of Minority Affairs.
“Na ka bynta katei ka projek, ngi la tyrwa ban pynlut T.282 Klur hynrei hadien ka jingpynbeit bad don ki jingpynkylla ha ka jingtyrwa, ka sorkar pdeng kala mang T.151.95 Klur bad na katei ka bhah tyngka ka sorkar jylla kan hap ban pynlut hi 10% katba ka sorkar pdeng kan ai T.135 klur” ong u Myntri Rangbah ka jylla.
“Lyngba katei ka projek, yn don jaka naka bynta 2500 ngut ki samla pule, ka Pharmaceutical College, Nursing College, Paramedical College & Skill Development Centre bad kin don bun tylli ki Hostel naka bynta ki samla pule bad kan long ruh kawei naki Skill Centre kaba heh duh haka thain shatei lam mihngi ha kaba iadei bad ka Medical Skills” ong u Conrad bad ka iathuh, ba ka sorkar pdeng kala dep ban pyllait khyndiat iaka pisa bad ia kam ban tei ia kane yn leh daka EPI Enigineering project India Limited kaba dei ka kompani jong ka sorkar bad la jied ia katei ka company hadien bala dep bishar iaka jingthep tender” ong u Myntri Rangbah ka jylla.
