Shillong, Nailar 30 : U Chief Executive Member ka KHADC, Bah Titos Chyne u la ong ba lada ka sorkar ka kwah ba ka jingpynbeit pud ha ka sien kaba ar lane ha ka phase 2 kan long kaba iaid beit kadei ban syllok lang bad ka KHADC kaba long ka bor ba hakhlieh duh kaba ia dei kam beit markhmat bad ki hima bad elaka.
Haba kren bad ki lad pathai khubor hadien ka jingialang jong ka Hima Mylliem, u CEM u la ong, ”Lada phi kwah ba ka jingpynbeit pud kan ym mih shuh ka jingpyrshah na ki paidbah kumba long ha ka Phase-1 phi dei ban syllok bad khot lang ia ka District Council.”
Nalorkata, u ong ruh ba ym don ki nongshong shnong ki bym kwah ban pynbeit ia u pud u sam lada iaid da ka lynti kaba dei bad kaba iahun lang da baroh.
U ong ruh ba dei na kane ka daw ki iai ban ia ka sorkar jylla ba lada ka khot lang ia ka District Council, ma ki pat kin sa khot lang ia ki Hima baroh ban ia kren bad pynbeit ha shwa ba kan sdang ka jingpynbeit pud.
