Shillong, Jymmang 15: Ka Synjuk Ki Rangbah Shnong jong ka Dong Nongtrai Sepngi hynne ka sngi Nyngkong, kala shim iaka rai ban khang noh ia ka jingiaid ki Trok naduh shnong Mawdiang ter ter shaduh ka shnong Mallangkona naduh ka 22 tarik mynta u bnai.
Ia kane ka rai la shim haka jingialang bala long hapoh ka shnong Mawsmai, ban khang iaka jingiaid ki Trok la kidei jong ki riewshimet ne jong ka sorkar.
Ka kyrwoh na u President & Secretary ka Synjuk ki Rangbah Shnong ka kdew ba ia kane ka rai la shim namar hadien ba wan ka aiom lyiur, ka jingiaid ki Trok kan sa pynjot bad ka ban sa buh jingeh iaki kali rit kiba kit mar bam na iew na hat, ki kali ba kit ia kiba pang ba shitom ban pynpoi sha CHC Riangdo.
La kyrpad ia ki paidbah, ki riewshimet kiba wan kamai sha kane ka thain, ki kali kit tiar jong ki Contractor ba pyntrei ia ki scheme ba pher ba pher sha ka thain ba kin sngewbha ban wan pynkit noh ia ki jingdonkam shuwa katei ka tarik.
La kyntu ruh ba lada don kiba kwah pynpoi ia ki tiar ki tar sha ki shnong ha ka thain hadien katei ka tarik kin hap ban pynkit noh da ki kali rit.
