Shillong, Jymmang 30: Ka Jaintia Students’ Union (JSU) ha ka sngi Palei kala pyrshah jur ia ka jingthmu ka sorkar jylla ban phah pyniasoh ia baroh ki College ha ka jylla Meghalaya bad ka Captain Williamson Sangma State University, Tura.
“Ka JSU kam kyrshan ia katei ka jingtyrwa bad kala dawa ba ka sorkar jylla kadei ban iasyllok bad baroh ki bor pyniaid college hashwa ban shim ia kano kano ka rai ha kaba ia dei bad ka ka kam pyniasoh ne Affiliation. Ka sorkar jylla kam dei ban pynbor ia katei ka Affiliation ia ki College,” ong ka JSU ha ka kyrwoh khubor.
Kala pynpaw ba ka seng kam pyrshah ia ka State University, hynrei ka JSU kala pynpaw pat ia ka jingartatien ba ka State University ka dang ka shu mih bad ka lah ban mih bun ki jingeh bad katei ka jingthmu ka lah ruh ban pynmih ia ka kynrum kynram ia ki college kiba don ha rilum Khasi bad Jaintia, kaba kynthup ia ki 55 tylli na ki 74 tylli ki college ha ka jylla.
“Kumta ka JSU ka kyntu jur ia ka sorkar ba kadei ban kiar ban pyntreikam ia katei ka affiliation bad ka JSU ka ai jingnut ba dei ban lum ia ka jingialang bad ki bor pyniaid bad ki seng jong ki samla pule ban iatai sani bha halor katei ka mat” kala ong.
Ka JSU kala kyntu ruh ia ka sorkar jylla ban iakren bad ka NTA bad ka UGC ha kaba iadei bad ka jingpynlong ia ka CUET khnang ba kan lait na ki kynrum kynram hadien habud.
“Kila banjur ia ka jingdonkam ban buh bun tylli ki examination center ban pynsuk ia ki samla pule bad ban pynbha ia ka Internet ha ki jaka ba pynlong ia ka eksam ban pybthikna ba ka jingpyndonkam ia ka Biometric Verification, kan long kaba iaid beit iaid ryntih” la pynpaw ka JSU.
Shuh shuh ka JSU kala kyntu ia ka sorkar jylla ba kan kyrpad ia ka NTA ban pynduna ia ka bai eksam CUET namar kumba long mynta ka long kaba rem na ka bynta kito ki samla pule kiba wan na ki longiing baduk ha ka jylla.
 ha ka sngi Palei kala pyrshah jur ia ka jingthmu ka sorkar jylla ban phah pyniasoh ia baroh ki College ha ka jylla Meghalaya bad ka Captain Williamson Sangma State University, Tura.){kind=link}