Shillong, K’lyngkot 16: Ka Hynniewtrep Youth Council (HYC) kala pynrem jur ia ka jingpynsaphriang ia ka khubor kaba la pynthohbria ia ki kynthei Khasi lyngba kawei ka Application kaba la tip kum ka “Nolo”.
Ha ka kyrwoh na u President ka HYC u Bah Roy Kupar Synrem hynne ka sngi Thohdieng ula ong, “Kum kitei ki jait khubor kam dei satia tang kaba ktah mationg ia ki kynthei hynrei kaba la pyntad dor bad kadei ruh ka jingthombor ia ka longrynnieng, ka jinglong tynrai bad ia ka kolshor jong ki paid Khasi”.
Ka HYC kala dawa ba dei ban leh da kaba tyngeh mardor pyrshah ia kito kiba donkti ha kaban shna, pyniaid bad ban pynsaphriang ia katei.
“Ngi kyntu ia ki bor jong ka aiñ bad ia ki bor khmih jong ka Cyber ban shim kam ia kane ka mat khlem da pynslem shuh, ban ithuh ia kiba donkti bad ruh ban sdang ban pynngat ha ki kyndon kiba tyngeh jong ka aiñ” la ong u Bah Synrem.
Ka seng kala dep ban pyntip ia u SP jongka East Khasi Hills District bad ia u DIG, Eastern Range shaphang kane ka mat bad ka kyrpad ban shimkhia lem mardor.
“Ngi khmih lynti ba ki bor kiba dei khmih kin leh eiei noh mardor bad ban pynthikna ba kiba donkti kidei ban shah pynshitom mardor” la bynrap u Bah Synrem.
Ka HYC kala banjur ba ka hok ban pynsngew laitluid ym dei pat ban pyndonkam ha kaban pynshongnia ia ka jingshah thombor, ban pynlehrain ne pyrshah ia ki kynthei, khamtam eh ia ki paid riewlum.
“Ka rukom leh da kumtei ia ki kynthei Khasi ka pyni ia ka rukom pyrkhat kaba don jingma, ia kaba ym lah ban pdiang satia” la pynpaw ha ka kyrwoh.
 kala pynrem jur ia ka jingpynsaphriang ia ka khubor kaba la pynthohbria ia ki kynthei Khasi lyngba kawei ka Application kaba la tip kum ka "Nolo".){kind=link}