Shillong, Risaw 24 : Ki shipai BSF ka Meghalaya, kila ioh ban pynpulom ia ka kam khaii tuh ia ki masi bad u rynsun sha Bangladesh lyngba ki khappud ka East Khasi Hills.
Ki shipai halor ka jingtip ba thikna, kila pynlong ia ka jingkhynra ha khappud ka EKH bad ioh bat ia artylli ki kali kiba kit masi bad rynsun ba shongdor T.6 lak. Ia kine ki kali ha ioh bat hapoh kine ki 48 kynta bala leit noh.
Ia kine ki kali la ioh ban bat da ki BSF ka 193rd BN kiba don ha khappud ka EKH. Kine ki kali ki kynthup ia kawei ka Maruti ba don u nombor ML10-8979 kaba kit ia u rynsun.
Kumjuh ruh ki shipai ka 110th Bn kila ioh bat ia ka Bolero ba kit ia 4 tylli ki masi.
Ki shipai kila kem noh ia ki nongniah jong kine ki kali bad uwei u nongbud. Ia kine ki briew bad ki kali lem bad ki mar khaii tuh,la aiti noh sha ki Pulit bad ki Custom ba kin leh ia kaba donkam.
