Shillong, Risaw 24 : Ka Ministry of Rural Development (MoRD) kala mang ia ka song pisa ba T. 1056.82 klur sha ka Jylla Meghalaya ba kan pyntrei ia ki surok bad ki jingkieng iaid kali hapoh ka skhim Pradhan Mantri Gram Sadak Yojana-III.
Kane ka song pisa ka dei na ka bynta ban pyntrei ia 88 tylli ki surok kiba ka jingjrong ka kot ia ka 782.155 km bad 55 tylli ki jingkieng.
Kane ka long shibynta na ka sienjam bala shim da ka Sorkar Pdeng ban pynkhlain ia ki lad pyniasoh da ki surok sha ki jaka nongkyndong bad ban pyniaid sted ia ka roi ka par jong ka Thain Shatei Lam Mihngi.
Haba bteng ia kane ka sienjam, ka MoRD kala dep ban mang ia ka song pisa ba T.412.34 ban shna ia ki 55 tylli ki surok ba jrong 443.26 km hapoh ka Jylla lyngba ka PMGSY-III.
Kine ki surok ki dei ki ban pyniasoh sha ki jaka sumar, ki jaka pule bad ki iew ki hat, ban pynkhlain ia ki lad pyniasoh sha ki jaka nongkyndong, ban pyniasoh ia ki jaka ba kyndong eh ka Jylla bad ki jaka sor.
Kane ka sienjam ka dei ruh kaba iaid kat kum ka thong jong ka Sorkar Pdeng ban iohi ia ka thain Shatei Lam Mihngi kaba kiew shakhmat bad kumjuh ruh ia ka Ri India kaba la kiew shaphrang (Viskit Bharat).
 kala mang ia ka song pisa ba T. 1056.82 klur sha ka Jylla Meghalaya ba kan pyntrei ia ki surok bad ki jingkieng iaid kali hapoh ka skhim Pradhan Mantri Gram Sadak Yojana-III.){kind=link}