spot_img

Pynkynmaw u CM ia ka jingtrei shitom u Kpa ban ioh President ka India na ki paid Riewlum

Date:

Share post:

Shillong, Naitung 18: U Myntri Rangbah ka Jylla Conrad Kongkal Sangma, ula pynpaw ia ka jingiohi jngai bad ka jingtrei shitom jong u Kpa (L) Purno A Sangma, ban pynioh ia u/ka President ka Ri India na ki Jaidbynriew Riewlum.

U Conrad ula pynpaw ia kane hadien ka jingthep vote ha ka elekshon President ka Ri ba long hynne ka sngi ha baroh ki Jylla ka Ri.

U Conrad ula pynbna ia ka sngi Nyngkong kum ka sngi ba khraw ia ki Jaidbynriew Riewlum jong ka Ri namar ba ki MLA bad ki MP ha baroh kawei ka Ri, kila iathep vote ban jied ia u/ka President ba thymmai ka Ri kaba la iakhun hapdeng ka kyrtong jong ka NDA ba ialam da ka BJP ka Draupadi Murmu bad u kyrtong ka UPA u Yashwant Sinha.

Haba pynpaw ba ka kyrtong ka NDA kan ioh ia ka jingjop, u Conrad ula ong ba ka Draupadi Murmu ka dei naka Schedule Tribe (ST) jong ka Jaidbynriew Santali bad la kha ia ka ha ka Shnong Uparbeda jong ka Mayurbhanj District, Odisha.

U Conrad ula ong ba kane ka sngi nyngkong ka dei ka sngi kaba khraw tam ha u namar ka pynkynmaw iala u jong u Kpa (L) Purno A Sangma uba la trei shitom ban ioh ia u/ka President ka Ri India na ki Jaidbynriew Riewlum.

Une u Lamphang barim ka Iingdorbar Lok Sabha, uba la ioh ia ka jingkyrshan naka BJP, ula shah rem ha ka elekshon President ka Ri ba long ha u snem 2012 pyrshah ia u Nongialam ka Congress u Pranab Mukherjee.

“Kum u Khun, ka dei ka sngi kaba khraw, ka dei kawei na ki kam ba kongsan ba u (PA Sangma) ula kren ba shen ka Ri India kan sa ioh da ki paid Riewlum ban shong ha ka shuki President ka Ri. Mynta ka sngi, ngi la don ha kane ka lynti hynrei ngi dang ap ia ka result” ong u Conrad haba kylli halor ka jingsngew jong u ia kane ka kam kaba u Kpa ula lamkhmat ban ioh noh ia u/ka President na ki riewlum.

U Conrad u ngeit ruh ba lada ka Murmu ka shah jied kum ka President ba thymmai, kan sa leh eiei ia shibun ki kam kiba ktah ia ki jaidbynriew riewlum hapoh ka Jylla bad ba ki jingjia thombor ruh kin sa nang hiar arsut. “Ngi tip ia kaei kaban sa jia” ula ong.

U Conrad ula bynrap ba baroh ki ishu kin ym shu jah ne kut noh hynrei la khmih lynti ba kiei kiei baroh kin sa nang bha na ka bynta ki paid riewlum, khamtam ka jingioh ia ki kam pynroi bapher bapher.

Haduh 56 ngut ki MLA bad uwei u MP ka Rajya Sabha kila iashimbynta ha kane ka elekshon ba long hynne ka sngi.

Kane ka elekshon kala jied ha ka por 10 baje mynstep ha Meghalaya Legislative Assembly Building, Rilbong bad kala kut ha ka por 5 baje janmiet.

U MLA ba nyngkong eh ban thep ia ka voye u dei u MLA ka NPP u Thomas Sangma bad uba khatduh eh u dei u MLA ka KHNAM Bah Adelbert Nongrum.

Ka jingniew ia ki vote kan sa long ha ka 21 tarik Naitung bad u/ka President ba Thymmai kin sa bam smai ha ka 25 tarik u Naitung.

Share post:

spot_img
spot_img

Popular

More like this
Related

Plie ka MIDC ia ka Business Facilitation Centre ban pynsuk ia ka jingsengjam ha Jylla

Shillong Jylliew 19: Ka Meghalaya Industrial Development Corporation Ltd....

Pyniaid ki Crorepati ia ka Sorkar Arunachal Pradesh bad Sikkim

Guwahati, Jylliew 19: Kaei kaba ka Jylla Arunachal Pradesh...

Pynkup burom ka MEPA ia 2 ngut ki Journalist ba ioh khusnam na Meghalaya

SHILLONG, JUNE 19: Ka Meghalaya Editors’ and Publishers’ Association...

Aibor ka Sorkar ha ki DC ban rai ia ka Roster System ha ki District

Shillong, Jylliew 19 : Ka Kynhun Myntri ka Sorkar...
spot_img