Shillong, Jylliew 03: U Myntri Rangbah ka Jylla Conrad K Sangma ha ka sngi Balang, u la ai khublei bad pynkup burom ïa ki Khynnah pule ba wan shakhmat haka eksamin Higher Secondary School Leaving Certificate (HSSLC) da kaba ïaroh ïa ka jingtrei shitom, ka jingim ryntih, bad ka jingminot jong ki haka pule puthi.
Haba thoh ha ka X hadien ka prokram ai khublei iaki samla pule, u Myntri Rangbah u la ong ba ki khynnah pule ki la wanrah ia ka jingsarong ia la ka iing ka sem, ki skul, bad ia ka Jylla.
Glad to felicitate toppers from the Arts, Science and Commerce streams of the recently conducted State HSSLC examinations. Their hard work, discipline, and perseverance have truly paid off, and they have made their families, schools, and our State proud.
Congratulations to each… pic.twitter.com/nWDVS0bQUg
— Conrad K Sangma (@SangmaConrad) June 3, 2026
“Nga sngewkmen ban ai khublei bad pynkup burom iaki khynnah pule ba wan shakhmat haki jingpule haka Arts, Science bad Commerce jong ka eksamin HSSLC ka Jylla ba dang shu dep pynlong. Ka jingtreishitom, ka jingim ryntih bad ka jingminot kala wanrah ia u sop ka jingjop bad ka burom sha ka iing, ki skul bad iaka Jylla”.
U la ai khublei ruh ia kine ki khynnah pule bad pynshlur ia ki ban iai bteng iaki jingpule ba kham halor.
“Khublei i iwei pa iwei ha kane ka jingjop jong phi. To ai ba kane ka jingjop kan ai mynsiem ban angnud kham heh, ban trei shitom, bad ban iai bteng ban ialeh jop shuh shuh haki jingpule kham halor. Ngi kitbok kitrwiang ia ki ba kin ioh ia ka jingjop kaba bha tam na ka bynta ka lawei,” u la bynrap.
Ka Meghalaya Board of School Education ka la pynbna ia ka result HSSLC jong baroh lai tylli ki Stream ha u bnai ba la dep.
 da kaba ïaroh ïa ka jingtrei shitom, ka jingim ryntih, bad ka jingminot jong ki haka pule puthi.){kind=link}