spot_img

Pynkup burom u Bah Hamletson ia 9 ngut ki Nongiakura

Date:

Share post:

Shillong, Naitung 10 : U MLA ka Mylliem bad Myntri Sorkar Bah Hamletson Dohling, ha ka sngi saitjain ula pynkup burom ia khyndai ngut ki nongia kura kiba la pyntbit bad ka Boxing Association of East Khasi Hills.

Ia kane ka jingialang pynkup burom la pynlong ha Laimer, Upper Shillong bad la pynshongkun shuh shuh ia ka da ka jingdonlang u General Secretary ka Boxing Federation of India, Bah Larry Kharpran, nangta ki bahaiing jong kitei ki samla, bad ruh ki nongshong shnong jong ka Riat Sohkhlur.

Na ka liang u MLA haba kren ha ka jingialang u la pynpaw iaka jingkmen ban iohi ba ki samla na ka thain ki ioh ban khur haduh khndai tylli ki takma na ka 4th Meghalaya Games kata ruh hapdeng kiba bun ki jingeh ba ki jingiaid lynti.

U la iaroh ruh ia ki bor pyniaid bad ki coach kiba la aiti met bad mynsiem na ka bynta ban pyntbit ia ki.

Ka tei ka synjuk ka la ioh ban khur haduh saw tylli ki takma ksiar, saw tylli ki takma rupa bad kawei pat ka takma rnong ha katei ka Meghalaya Games kaba dang shu pynhap pyrda ha kine ki khyndiat por ba la dep.

Share post:

spot_img
spot_img

Popular

More like this
Related

Dawa ka COMSO na u DC ban khynra ia ki mynder ri kiba rung be-aiñ ha EJH

Shillong, Naitung 31: Ka Confederation of Meghalaya Social Organization...

BJP vows to block ‘Miya Land’ agenda in Assam, cites illegal immigration and encroachments

Guwahati, July 30: The Assam unit of the Bharatiya...

Bteng ka Assam ia ka jingkyndang ia kiba sah be-aiñ

Shah pynpra 278 tylli ki ïing bad ioh biang...

Massive eviction drive in Uriamghat: 278 houses demolished, 250 hectares of forest land reclaimed

Guwahati, July 30: Authorities have demolished 278 unauthorised houses...