Iohi ka Congress ia ka Elekshon 2023 kum ka ‘Jingiakhun hapdeng lai tylli ki Party’

Date:

Share post:

“Ka jingphet ki MLA kam mut ba ngin ym khie khieh shuh”: PN Syiem

Shillong, Naitung 10: Ka Meghalaya Pradesh Congress Committee (MPCC) kala iohi ia ka elekshon MLA-2023 kum ka “Jingiakhun hapdeng ki Lai tylli ki Party” (Triangular Fight) ha kiba bun ki Constituency ka Jylla, ka ban long hapdeng ka NPP-UDP bad ka Congress.

Ia kane la pynpaw da u Working President ka MPCC Bah Pynshngain N Syiem uba la ong “Ngi khmih lynti ba ngin jop bun nombor bha ha kane ka elekshon ban wan”.

Kat kum ka jingong jong u, ka jingiakhun ha kane ka elekshon 2023 ha Jylla kan long beit tang lai tylli ki Party (NPP-UDP-INC) bad ka Jylla kan ym lah lait ban ioh biang ia ka sorkar synrop.

“Nga thikna ba 100% ba kan wan biang ka Sorkar synrop ia kaba ym lah pat ban tip mano ban iatreilang, la kan dei ka NPP-UDP, NPP-Congress ne Congress-UDP. Ban shu ong ba kata kata ka party kin thaw Sorkar ka long kaba bakla bad ngim lah ban batai lypa” ong une u MLA barim ka Mawsynram bad MDC ba mynta ka Mawkhar-Pynthorumkhrah.

Halor ka jingphet ki 12 ngut ki MLA sha ka All India Trinamool Congres bad ka jingsospon ia ki 5 ngut ki MLA ki bym thikna shuh ban leit phai sha ka Congress, u Bah PN Syiem ula ong ba kine ki jingjia baroh kila pynlong ia ka Congress kum ka Party ba kan nang trei shitom arshah ha kaban pynthikna ba kan iai neh kum kawei bor ba khlain ha ka jingiakhun elekshon.

“Ka jingphet kine ki MLA kala plie lynti mynta ia ki durkhmat kiba thymmai ban long ki nong ialam jong ka Party bad kine ki durkhmat ba thymmai ki dei kiba la paw ha ka jingtreikam la bun bun snem ha ryngkat bad u paidbah” ula Bah Pynshngain u ban iakhun ia ka elekshon na Pynthorumkhrah Constituency pyrshah ia u MLA ka BJP Bah A.L Hek.

“Ha man kawei pa kawei ka elekshon ha Jylla, na ki 60 ngut ki MLA, ka jingshah rem kan don beit haduh 30% tam bad mynta ka kynti ruh phim nang ong ba haduh katno % kin don kiba dang jop biang. Ia kine kiba shah rem la bujli da ki durkhmat ba thymmai” ula bynrap.

Haba pynpaw ba ki Nongshongshnong ka Jylla ki ju peit ia ka Party kaba synniang bad ruh ia ka jingtbit treikam u Kyrtong ha man ki elekshon, une u Nongialam ka Congress “Ka Congress ka dei kaba khlain bha ha manla ki shnong ki thaw bad ngam artatien ba ngin long kawei pat ka bor ba tynjuh ia kiwei kiwei ki party ha kane ka elekshon”.

“Ki paidbah ki tip ia ki synniang jong ka party Congress naduh ba ioh iala ka jong ka Jylla ba pura khamtam lei haba phai sha ka jingai ia ki lad jingiada bapher bapher sha ki paid riewlum ka Jylla” ula ong.

Ha ka jingiaid peit pyrman elekshon jong Ka Shlem, la shem ba ka Congress Party ka dang dei kawei ka bor kaba hap ban phaikhmat ha kane ka elekshon ban wan bad kumba ong u Bah PN Syiem, ka Party ka don ha ka jingiakhun ha kiba bun ki Constituency khamtam ha Ri-lum Khasi bad Jaintia.

Haba phai sha Ri-Bhoi District, ka Congress ka don hapdeng ka jingiakhun ha baroh san tylli ki District lada kane ka party riewlum ka lah ban pynkohnguh sa ia u Myntri barim ka Jylla Bah Stanlywiss Rymbai ba un mih iakhun ha ka elekshon MLA ban wan na Umroi Constituency.

Kiwei pat ki Constituency kiba ka Congress ka don ha ka jingiakhun ki kynthup ia ka Pynthorumkhrah, Mylliem, Mawryngkneng, Mawkynrew, Mairang, Mawkyrwat, Nongstoin lait noh sha Ri-lum Jaintia kibym pat lah satia ban tip thikna.

Share post:

spot_img
spot_img

Popular

More like this
Related

Kylla iingjah ka Iew Dohkha ha Saiden wat hadien 3 snem ba dep tei, bijai ei T. 1.44 klur

Shillong, Risaw 02 : Ka jingjied khlem da bishar...

Rai ka KAS ban leit pan jingshai na u Amit Shah halor ka dorkhas ban ai jingithuh ia ka Ktien Khasi

Shillong Risaw 02: Ka Khasi Authors’ Society (KAS) kala...

Pyni nuksa ki BSF ban lehkhuid da ka jingrakhe ia ka Swachhata Hi Sewa

Shillong Risaw 02: Kum shi bynta ban wanrah ia...

Plie ka Nongthymmai ia ka jaka leitbar paidbah ban pynsah jingkynmaw ia ka Gandhi Jayanti

Nongpoh, Risaw 02: Ka Dorbar Shnong Nongthymmai jong ka...