Pyniasoh ka Sorkar ia ka Kolkata bad ki Jylla NE lyngba ka kad jhad na Bangladesh

Date:

Share post:

Guwahati, Nailar 17: Ka sorkar Pdeng kala pyniasoh mynta ia ka Kolkata bad ka Tripura lyngba ka kad jhad (port) na Kolkata sha Mongla port jong ka Ri Bangladesh ban pynpoi ia ki mar ki mata da ki jhad sha ka thain shatei lam mihngi ka ri.

Kane ka dang dei tang ka jingpyrshang kaba la leh hynnin ka sngi baar, ka ba pyni ruh ia ka jingiateh ba thymmai hapdeng ka India bad ka Bangladesh.

U heh sorkar na ka tnat Industries and Commerce Department ka Tripura u la ong ba ka jhad ka ba kit ia ki 270 synduk ki mar ka la wan poi ha Srimantapur Integrated Checkpost (ICP) napoh Syama Prasad Mookerjee Port (SMP) Kolkata lyngba ka Mongla port ka Bangladesh.
“Ia kine ki mar la pynpoi sha ka thain sepngi ka Srimantapur ICP Tripura na Mongla port lyngba ka lynti surok bad hadien sha ka jaka ba dei ban pynpoi shapoh Silchar shathie ka Assam.

Ia kane ka jingpyrshang la pynlong hashwa ban pyntreikam ia ka jingiamynjur halor ka jingpyndonkam ia ka Chittagong bad Mongla ports ka Bangladesh da ka India na ka bynta ki kam khaii pateng bad ka jingpynpoi ia ki mar ki mata ka ban kynthup ruh ia ki jylla jaka lum jong ka thain shatei lammihngi (Northeast) jong ka ri.

Ka India bad ka Bangladesh ki la ia soi ia ka Memorandum of Understanding ha ka 6 tarik u Jylliew 2015 na ka bynta ban pyndonkam ia ka Chattogram bad ka Mongla ports na ka bynta ban pynpoi ia ki mar ki mata ka India lyngba ka Bangladesh.

Kumjuh ruh kine ki artylli ki ri ki la ia soi ia ka MoU halor ka jingpyndonkam ia ka Chattogram bad ka Mongla Ports na ka bynta ban pynkit ia ki mar ki mata, nalor ki sienjam ki ban iaid katkum ki kyndon jong ka jingiamynjur ha ka 5 tarik u Risaw 2019. Sawtylli ki jaka rung bad ki jaka mih la kdew ha kane ka jingiamynjur, kata ka Agartala bad ka Srimantapur (Tripura), Sutarkandi (Assam) bad ka Dawki (Meghalaya).

Na ka liang u heh sorkar u la ong ba ia mynta hi tang 25 jait ki mar la shah ban shalan, hynrei ia baroh ki jait mar la shah ban pynpoi na Bangladesh lyngba ka Srimantapur ICP.Kane ka kam khaii lyngba ka Srimantapur ICP kan kot sha kumba T. 13.62 klur ha ka shi snem.

Da ka ba khmih halor ka jingdawa jur halor ka jingshalan dohkha, na ka liang ka sorkar pdeng ka la shim ia ka sienjam na ka bynta ban pynioh ia ka jingshakri lyngba ka Animal Quarantine ka ba ha Srimantapur ICP khnang ba ka jingthied dohkha lyngba kane ka ICP kan long ka ba seisoh, ong u heh sorkar.

Ka Myntri khynnah ka sorkar pdeng u ba khmih ia ka tnat Social Justice and Empowerment ka Pratima Bhowmik, u Myntri ka tnat Industry and Commerce ka Tripura, u Santana Chakma nalor ki heh sorkar ka India bad Bangladesh ki la ia don lang ha ka jingwan poi jong ki mar na Kolkata sha Srimantapur ICP.

Ka jingjngai na Agartala lyngba ka Guwahati ka long haduh 1,650 km na Kolkata lyngba ka lynti surok, bad 2,637 km na New Delhi, katba ka jingjngai hapdeng ka Agartala lyngba ka Bangladesh ka long tang 620 km.

Kumta ruh lada pynkit ia ki jingdonkam ba kongsan bad ki mar bad ki tiar bapher bapher na ki bynta jong ka India sha ki jylla ka thain Northeast da ka ba pyndonkam ia ki kadlieng ka Bangladesh bad lyngba ki lynti surok kan iarap ban pynduna ia ka por bad ia ka dor bai kit bai bah.

Share post:

spot_img

Popular

More like this
Related

Pynbna u CM ia ka song jingiarap ba T. 3 lak ia ka Iing u Khynnah skul ba khlad ha Karnataka

Shillong, Lber 18 : U Myntri Rangbah ka Jylla...

Bamduh ka ding ia ka Iing ha Sahsniang | iap i Heprit ba 4 snem

Shillong, Lber 18 : Ka ding kaba rhem bad...

Aipor 48 kynta ki kynhun ka NEHU ia ka MoE ban thung ia u Acting Vice Chancellor

Shillong Lber 17: Ka North-Eastern Hill University Students' Union...

NEHU bodies serve 48-hr ultimatum to Education Ministry to appoint Acting VC

Shillong, March 17: The North-Eastern Hill University Students' Union...